https://bel.sputnik.by/20200818/Krank-Mnzdaroya-prakamentava-masavyya-aktsy--Belarus-1045497521.html
Кіраўнік Мінздароўя пракаментаваў масавыя акцыі ў Беларусі
Кіраўнік Мінздароўя пракаментаваў масавыя акцыі ў Беларусі
Sputnik Беларусь
Па словах Уладзіміра Караніка, у ЦІП на Акрэсціна 17 жніўня заставаліся шэсць чалавек, нікому з іх не патрабавалася медыцынская дапамога. 18.08.2020, Sputnik Беларусь
2020-08-18T15:40+0300
2020-08-18T15:40+0300
2023-04-18T13:06+0300
навіны
грамадства
у беларусі
галоўнае
беларусь
міністэрства аховы здароўя рэспублікі беларусь
уладзімір каранік
пратэсты пасля выбараў у беларусі
https://cdnn11.img.sputnik.by/img/07e4/08/12/1045496450_0:0:1280:721_1920x0_80_0_0_fb7a36ef6caabd0d7bc686c8f7f07cdc.jpg
МІНСК, 18 жні - Sputnik. Міністр аховы здароўя Уладзімір Каранік напісаў адкрыты ліст, у якім пракаментаваў масавыя акцыі пратэсту ў Беларусі.Кіраўнік ведамства паведаміў, што ў ЦІП на Акрэсціна 17 жніўня заставаліся шэсць чалавек, нікому з іх не патрабавалася медыцынская дапамога. У турме Жодзіна ў панядзелак не было ні аднаго затрыманага.Паводле яго слоў, падчас акцыі 9 жніўня ў кожным РУУС Мінска і іншых буйных гарадах дзяжурыла хуткая дапамога. У далейшым усіх затрыманых, якія мелі патрэбу ў лячэнні, пераводзілі ў стацыянары."Мы шчыльна ўзаемадзейнічалі з МУС, каб максімальна хутка вырашыць пытанне аказання медыцынскай дапамогі і забяспечыць чалавечыя ўмовы знаходжання ў месцах часовага ўтрымання. Вынікам гэтай працы з'явіліся пераводы затрыманых грамадзян, якія маюць патрэбу ў аказанні медыцынскай дапамогі, з месцаў часовага ўтрымання ў стацыянары, а таксама аператыўнае вызваленне затрыманых з месцаў, дзе ўмовы ўтрымання не адпавядаюць нарматывам", - гаворыцца ў лісце, апублікаваным у СМІ.Пра хуткую і моргіКіраўнік Міністэрства аховы здароўя пракаментаваў звесткі пра тое, што ў гарадах былі заўважаныя сілавікі, якія перасоўваюцца ў машынах хуткай дапамогі."Так, я спрабаваў сказаць, што ні адна наша машына хуткай дапамогі не выкарыстоўвалася супрацоўнікамі МУС для іх перавозкі да месцаў затрыманняў, што падобную размалёўку маюць машыны медыцынскай службы ўнутраных войскаў, дзе знаходзяцца ваенныя медыкі, натуральна ў ваеннай форме, і менавіта яны аказвалі медыцынскую дапамогу сваім пацярпелым калегам у самым эпіцэнтры, што магло і спарадзіць гэтыя чуткі", - заявіў Каранік.Ён дадаў, што сістэма аховы здароўя не праводзіць судова-медыцынскую экспертызу. У яе кампетэнцыі - зафіксаваць факт звароту па медыцынскую дапамогу, апісаць атрыманыя пашкоджанні і, са слоў пацыента, указаць акалічнасці іх атрымання."І мы гэта робім ўсім, хто звярнуўся, толькі за 16.08.20 такіх зваротаў толькі ў Мінску было 160", - сказаў міністр.Ён запэўніў, што ўсе пацыенты, якія звярнуліся з траўмамі, фіксуюцца, і інфармацыя пра іх перадаецца ў органы правапарадку.Таксама Каранік паведаміў, што ў паталагаанатамічных бюро няма неапазнаных трупаў - туды дастаўляюць толькі тых, хто памёр ў медустановах. Загінулыя, альбо памерлыя па-за бальнічнымі сценамі, накіроўваюцца судова-медыцынскім экспертам, якія знаходзяцца па-за юрысдыкцыяй Міністэрства аховы здароўя."Ці ёсць у дадзены момант у службе судова-медыцынскай экспертызы неапазнаныя целы, у якой колькасці і, што з'явілася прычынай смерці, гэтыя пытанні трэба задаваць менавіта туды", - падкрэсліў Уладзімір Каранік.Што адбылося напярэдадніУ Мінску 17 жніўня прайшла акцыя пратэсту з удзелам медыцынскіх работнікаў і гараджан. Удзельнікі сабраліся каля будынку Міністэрства аховы здароўя.Каранік выйшаў да пратэстоўцаў. Ён паведаміў, што ў бальніцах застаюцца 158 дэманстрантаў, у траіх - цяжкія траўмы. У далейшым натоўп заблакаваў машыну міністра, якая знаходзілася каля будынка - на месца выклікалі супрацоўнікаў ДАІ.За апошні тыдзень у Мінску прайшоў шэраг акцый пратэсту з удзелам медыкаў. 12 жніўня Каранік прыехаў на адну з іх. Каля 200 чалавек сталі ў ланцуг. Да ўдзельнікаў падыходзіў Уладзімір Каранік, прапаноўваючы правесці размову, але медыкі адмовіліся. Пазней кіраўнік ведамства выказаў сваё меркаванне ў афіцыйным Telegram-канале Міністэрства аховы здароўя - "акцыя была зрэжысаваная".Выбары прэзідэнта Беларусі прайшлі 9 жніўня. Паводле звестак Цэнтрвыбаркама, перамог Аляксандр Лукашэнка, за яго прагаласавалі больш за 80% выбаршчыкаў.Нязгодныя з вынікамі выбараў з вечара 9 жніўня выходзяць на вуліцы гарадоў. За час пратэстаў у Беларусі было затрымана каля сямі тысяч пратэстуючых, у бальніцах апынуліся сотні чалавек, у тым ліку і супрацоўнікі праваахоўных органаў. Як паведамляла МУС, падчас беспарадкаў пацярпелі сотні людзей, двое загінулі.
беларусь
Sputnik Беларусь
media@sputniknews.com
+74956456601
MIA „Rossiya Segodnya“
2020
Sputnik Беларусь
media@sputniknews.com
+74956456601
MIA „Rossiya Segodnya“
Навіны
ru_BY
Sputnik Беларусь
media@sputniknews.com
+74956456601
MIA „Rossiya Segodnya“
Sputnik Беларусь
media@sputniknews.com
+74956456601
MIA „Rossiya Segodnya“
навіны , грамадства, у беларусі, галоўнае, беларусь, міністэрства аховы здароўя рэспублікі беларусь, уладзімір каранік, пратэсты пасля выбараў у беларусі
навіны , грамадства, у беларусі, галоўнае, беларусь, міністэрства аховы здароўя рэспублікі беларусь, уладзімір каранік, пратэсты пасля выбараў у беларусі
Кіраўнік Мінздароўя пракаментаваў масавыя акцыі ў Беларусі
15:40 18.08.2020 (абноўлена: 13:06 18.04.2023) Па словах Уладзіміра Караніка, у ЦІП на Акрэсціна 17 жніўня заставаліся шэсць чалавек, нікому з іх не патрабавалася медыцынская дапамога.
МІНСК, 18 жні - Sputnik. Міністр аховы здароўя Уладзімір Каранік напісаў адкрыты ліст, у якім пракаментаваў масавыя акцыі пратэсту ў Беларусі.
Кіраўнік ведамства паведаміў, што ў ЦІП на Акрэсціна 17 жніўня заставаліся шэсць чалавек, нікому з іх не патрабавалася медыцынская дапамога. У турме Жодзіна ў панядзелак не было ні аднаго затрыманага.
Паводле яго слоў, падчас акцыі 9 жніўня ў кожным РУУС Мінска і іншых буйных гарадах дзяжурыла хуткая дапамога. У далейшым усіх затрыманых, якія мелі патрэбу ў лячэнні, пераводзілі ў стацыянары.
"Мы шчыльна ўзаемадзейнічалі з МУС, каб максімальна хутка вырашыць пытанне аказання медыцынскай дапамогі і забяспечыць чалавечыя ўмовы знаходжання ў месцах часовага ўтрымання. Вынікам гэтай працы з'явіліся пераводы затрыманых грамадзян, якія маюць патрэбу ў аказанні медыцынскай дапамогі, з месцаў часовага ўтрымання ў стацыянары, а таксама аператыўнае вызваленне затрыманых з месцаў, дзе ўмовы ўтрымання не адпавядаюць нарматывам", - гаворыцца ў лісце, апублікаваным у СМІ.
Кіраўнік Міністэрства аховы здароўя пракаментаваў звесткі пра тое, што ў гарадах былі заўважаныя сілавікі, якія перасоўваюцца ў машынах хуткай дапамогі.
"Так, я спрабаваў сказаць, што ні адна наша машына хуткай дапамогі не выкарыстоўвалася супрацоўнікамі МУС для іх перавозкі да месцаў затрыманняў, што падобную размалёўку маюць машыны медыцынскай службы ўнутраных войскаў, дзе знаходзяцца ваенныя медыкі, натуральна ў ваеннай форме, і менавіта яны аказвалі медыцынскую дапамогу сваім пацярпелым калегам у самым эпіцэнтры, што магло і спарадзіць гэтыя чуткі", - заявіў Каранік.
Ён дадаў, што сістэма аховы здароўя не праводзіць судова-медыцынскую экспертызу. У яе кампетэнцыі - зафіксаваць факт звароту па медыцынскую дапамогу, апісаць атрыманыя пашкоджанні і, са слоў пацыента, указаць акалічнасці іх атрымання.
"І мы гэта робім ўсім, хто звярнуўся, толькі за 16.08.20 такіх зваротаў толькі ў Мінску было 160", - сказаў міністр.
Ён запэўніў, што ўсе пацыенты, якія звярнуліся з траўмамі, фіксуюцца, і інфармацыя пра іх перадаецца ў органы правапарадку.
Таксама Каранік паведаміў, што ў паталагаанатамічных бюро няма неапазнаных трупаў - туды дастаўляюць толькі тых, хто памёр ў медустановах. Загінулыя, альбо памерлыя па-за бальнічнымі сценамі, накіроўваюцца судова-медыцынскім экспертам, якія знаходзяцца па-за юрысдыкцыяй Міністэрства аховы здароўя.
"Ці ёсць у дадзены момант у службе судова-медыцынскай экспертызы неапазнаныя целы, у якой колькасці і, што з'явілася прычынай смерці, гэтыя пытанні трэба задаваць менавіта туды", - падкрэсліў Уладзімір Каранік.
У Мінску 17 жніўня прайшла акцыя пратэсту з удзелам медыцынскіх работнікаў і гараджан. Удзельнікі сабраліся каля будынку Міністэрства аховы здароўя.
Каранік выйшаў да пратэстоўцаў. Ён паведаміў, што ў бальніцах застаюцца 158 дэманстрантаў, у траіх - цяжкія траўмы. У далейшым натоўп заблакаваў машыну міністра, якая знаходзілася каля будынка - на месца выклікалі супрацоўнікаў ДАІ.
За апошні тыдзень у Мінску прайшоў шэраг акцый пратэсту з удзелам медыкаў. 12 жніўня Каранік прыехаў на адну з іх. Каля 200 чалавек сталі ў ланцуг. Да ўдзельнікаў падыходзіў Уладзімір Каранік, прапаноўваючы правесці размову, але медыкі адмовіліся. Пазней кіраўнік ведамства выказаў сваё меркаванне ў афіцыйным Telegram-канале Міністэрства аховы здароўя - "акцыя была зрэжысаваная".
Выбары прэзідэнта Беларусі прайшлі 9 жніўня. Паводле звестак Цэнтрвыбаркама, перамог Аляксандр Лукашэнка, за яго прагаласавалі больш за 80% выбаршчыкаў.
Нязгодныя з вынікамі выбараў з вечара 9 жніўня выходзяць на вуліцы гарадоў. За час пратэстаў у Беларусі было затрымана каля сямі тысяч пратэстуючых, у бальніцах апынуліся сотні чалавек, у тым ліку і супрацоўнікі праваахоўных органаў. Як паведамляла МУС, падчас беспарадкаў пацярпелі сотні людзей, двое загінулі.
