Мінадукацыі расказала, колькі бюджэтнікаў залічана ў ВНУ

© Sputnik / Алексей Куденко / Перайсці ў медыябанкПадача дакументаў у ВНУ
Падача дакументаў у ВНУ - Sputnik Беларусь
Падпісацца
Лідзіравалі спецыяльнасці ў галіне правазнаўства і міжнародных адносін: на міжнароднае права ў ФМА БДУ прахаднымі на бюджэт былі 386 балаў.

Галоўны рэдактар Паласатай газеты, педагог Ганна Граноўская - Sputnik Беларусь
Радыё
Мама абітурыента: армія і размеркаванне - мінус 3,5 года з жыцця сына
МІНСК, 22 жні - Sputnik. Звыш 26 тысяч абітурыентаў залічаны ў ВНУ Беларусі на бюджэтную форму атрымання адукацыі, пра гэта паведаміў журналістам у пятніцу начальнік галоўнага ўпраўлення прафесійнай адукацыі Мінадукацыі Сяргей Каспяровіч.

"За кошт сродкаў бюджэту залічана прыкладна 26300 абітурыентаў, на платную форму - прыкладна такая ж лічба", - сказаў ён.

Паводле яго слоў, у гэтым годзе абітурыентаў прымалі паўсотні ўстаноў адукацыі (42 дзяржаўных ВНУ і восем прыватных), прыём фактычна завершаны.

Самыя запатрабаваныя спецыяльнасці

Лідзіравалі ў бягучай уступнай кампаніі спецыяльнасці ў галіне правазнаўства і міжнародных адносін. Так, на "Міжнароднае права" ў ФМА БДУ прахаднымі на бюджэт былі 386 балаў.

У беларускім медуніверсітэце традыцыйна папулярная "Стаматалогія" - 383 балы.

Па словах Каспяровіча, запатрабаваныя былі і лінгвістычныя спецыяльнасці: напрыклад, у МДЛУ прахаднымі на "Англійская мова і другая замежная" сталі 382 балы.

Пра высокі конкурс

Высокі конкурс назіраўся на спецыяльнасці "Дызайн" у БДУ: на адным месца прэтэндавалі 12 чалавек. Сем абітурыентаў змагаліся за месца на спецыяльнасці "Інфармацыйныя сістэмы і тэхналогіі (у гульнявой індустрыі)" у БДУІРы.

Будынак БДУІР у Мінску - Sputnik Беларусь
Рэкордны бал - 396: БДУІР падвёў вынікі прыёму на бюджэт

На спецыяльнасць "Эканоміка і кіраванне на прадпрыемстве" у БДТУ прэтэндавалі пяць чалавек на месца, на "Псіхалогію" ў БДПУ - чатыры чалавекі.

Разам з тым на асобныя спецыяльнасці аб'яўляўся дадатковы набор на бюджэт, паколькі там засталіся вакантныя месцы: у асноўным гэта былі спецыяльнасці сяльгаспрофілю.

Пра падачу заяў у ССНУ

Больш за 24,5 тысячы чалавек падалі заявы ў ССНУ на бюджэт, праінфармавалі ў ведамстве.

"Па папярэдніх дадзеных, на бюджэтную форму пададзена больш за 24,5 тысячы заяў (колькасць залічаных), на платную - больш за 12 тысяч", - распавяла намеснік начальніка галоўнага ўпраўлення прафадукацыі - начальнік упраўлення прафесійна-тэхнічнай і сярэдняй спецыяльнай адукацыі Мінадукацыі Аляксандра Пятрова.

Стужка навiн
0