МІНСК, 24 жні - Sputnik. Падатковыя органы будуць атрымліваць інфармацыю аб даходах і маёмасці беларусаў у краінах СНД, адпаведны закон "Аб далучэнні Рэспублікі Беларусь да Пратакола аб абмене інфармацыяй у электронным выглядзе паміж дзяржавамі - удзельнікамі СНД для ажыццяўлення падатковага адміністравання" апублікаваны на Нацыянальным прававым інтэрнэт-партале.
Згодна з законам, беларускае міністэрства па падатках і зборах з 2021 года пачне абменьвацца інфармацыяй аб даходах і маёмасці грамадзян і юрыдычных асоб з калегамі з краін Садружнасці. Падатковыя органы краін СНД будуць паведамляць звесткі аб даходах беларусаў ад работы па найму, па грамадзянска-прававых дагаворах, ад дывідэндаў, роялці, аперацый з каштоўнымі паперамі, продажу нерухомасці і кампаній і іншага.
Дадзеныя будуць аддавацца ў аўтаматычным рэжыме. У дадзены момант абмен інфармацыяй аб даходах і маёмасці грамадзян адбываецца толькі па запыце.
Аўтаматычна падатковыя органы краін СНД будуць абменьвацца таксама звестак аб даходах і актывах юрыдычных асоб. Акрамя таго, будзе прадастаўляцца інфармацыя аб сумах выплачаных падаткаў і збораў.
Дакумент быў падпісаны ў 2018 годзе. Да яго далучыліся Азербайджан, Арменія, Беларусь, Казахстан, Кыргызстан, Расія, Таджыкістан і Узбекістан.
