МІНСК, 16 вер - Sputnik. Шкода, нанесеная Мінску падчас несанкцыянаваных акцый пратэсту, ацэньваецца больш чым у 750 тысяч рублёў. Пра гэта ў сераду заявіў начальнік упраўлення гарадскога гаспадаркі і энергетыкі Мінгарвыканкама Уладзімір Лебедзь.
"У сярэднім горадзе ў звычайны будні дзень гэта абыходзіцца прыкладна ў 10 тысяч рублёў. Гэтая сума ў разы вырастае пасля выхадных і складае каля 20-30 тысяч. Сюды ўваходзіць уборка тэрыторыі, ліквідацыя несанкцыянаваных надпісаў на фасадах і на іншых элементах. У першыя дні яшчэ білі шыбы ў аўтобусах, спальвалі смеццевыя бакі, лаўкі пераварочвалі", - цытуе яго БелТА.
Акрамя таго, штодня сталічным камунальнікам даводзіцца зафарбоўваць каля 100 квадратных метраў надпісаў і графіці.
"Але трэба разумець, што ў гэтым выпадку трэба зафарбоўваць цалкам фасад, то бок сума павялічваецца, расход фарбы ўзрастае. А элементы інфраструктуры - святлафоры, знакі - е зафарбоўваюцца, іх трэба замяняць. Акрамя таго, пасля выходных у паўтара разы павялічваецца аб'ём уборкі і вывазу смецця", - растлумачыў Лебедзь.
Кожны дзень для правядзення незапланаваных работ даводзіцца задзейнічаць больш за тысячу работнікаў ЖКГ і больш за 80 адзінак тэхнікі. Акрамя таго, працягваецца падрыхтоўка да зімовага сезону.
"Дарожныя работнікі, работнікі ЖКГ павінны падрыхтоўвацца. Мы ўжо на апошняй стадыі, хутка будзе запуск сістэмы ацяплення. Вось гэтым мы павінны займацца. А ў выніку несанкцыянаваных акцый нагрузка на работнікаў камунальных службаў вырасла ў паўтара раза", - адзначыў прадстаўнік Мінгарвыканкама.
Пры гэтым, паводле слоў Уладзіміра Лебедзя, некаторыя выдаткі атрымливаецца паменшыць за кошт прыцягнення да адміністрацыйнай адказнасці парушальнікаў. Іх абавязваюць выплачваць штрафы і кампенсаваць нанесеную гораду шкоду.
