МІНСК, 24 вер - Sputnik. Беларусь на будучым Форуме рэгіёнаў плануе заключыць дамовы з пяццю рэгіёнамі Расіі, пра гэта сведчыць пастанова Саўміна №551 ад 22 верасня, апублікаваная ў чацвер на Нацыянальным прававым інтэрнэт-партале.
У пастанове гаворыцца, што паўнамоцтвы для падпісання дакументаў на бліжэйшым Форуме рэгіёнаў Беларусі і Расіі ўскладаюцца на віцэ-прэм'ера Беларусі Ігара Петрышэнку. Менавіта ён будзе заключаць пагадненні аб супрацоўніцтве ў гандлёва-эканамічнай, навукова-тэхнічнай, сацыяльна-культурнай і гуманітарнай сферах з урадам Ленінградскай вобласці, Рэспублікі Башкартастан, Хабараўскага краю, Самарскай і Курскай абласцей.
Нагадаем, VII Форум рэгіёнаў Беларусі і Расіі пройдзе 28-29 верасня ў Мінску і Мінскай вобласці. Яго галоўнай тэмай стане "Гістарычная спадчына Вялікай Перамогі як аснова развіцця сацыяльна-эканамічных і духоўных сувязяў народаў Беларусі і Расіі".
Першы дзень працы рэгіянальнага форуму пройдзе ў дыстанцыйным фармаце ў выглядзе пасяджэнняў пяці секцый, а таксама пасяджэнняў міжпарламенцкай камісіі для абмеркавання супрацоўніцтва дзвюх краін.
29 верасня пройдзе пленарнае пасяджэнне форуму. Перад ім адбудуцца сустрэчы прадстаўнікоў рэгіёнаў і перамовы кіраўнікоў верхніх палат парламентаў дзвюх краін. У гэты дзень плануецца падпісанне пагадненняў аб супрацоўніцтве.
