Вылучэнне квот на навучанне ў РФ: месцаў будзе больш, а сістэма рэфармуецца

© Sputnik / Кирилл Каллиников / Перайсці ў фотабанкПомнік М. В. Ламаносаву і будынак факультэта журналістыкі Маскоўскага дзяржаўнага ўніверсітэта імя М. В. Ламаносава
Помнік М. В. Ламаносаву і будынак факультэта журналістыкі Маскоўскага дзяржаўнага ўніверсітэта імя М. В. Ламаносава - Sputnik Беларусь
Фармат прадастаўлення бясплатных месцаў у расійскіх ВНУ абітурыентам з краін блізкага замежжа і Балтыі трэба рэфармаваць, лічыць кіраўнік Рассупрацоўніцтва Яўген Прымакоў.

Журналіст, тэлевядучы Яўген Прымакоў - Sputnik Беларусь
Дарога пераменаў: якія рэформы чакае Рассупрацоўніцтва ў гэтым годзе
МІНСК, 25 вер - Sputnik, Аляксей Сцяпанаў. Дэпутат Дзярждумы РФ Яўген Прымакоў быў прызначаны кіраўніком Рассупрацоўніцтва напрыканцы чэрвеня гэтага года. Ён адразу ж паабяцаў сур'ёзныя перамены ў дзейнасці расійскага агенцтва. Адной з балючых тым новы кіраўнік Рассупрацоўніцтва пазначыў сістэму выдзялення квот на навучанне ў расійскіх ВНУ для замежных грамадзян.

"Колькасць квот будзе павялічвацца - прэзідэнт (кіраўнік РФ Уладзімір Пуцін - Sputnik) жа сказаў, што іх будзе больш. Да 2023 году колькасць квот павінна павялічыцца ў два разы. Але мы з калегамі з Мінадукнавукі, з Дзярждумы абмяркоўваем, што сама гісторыя пра квоты не вельмі эфектыўная", - сказаў агенцтву Sputnik кіраўнік Рассупрацоўніцтва Яўген Прымакоў.

І прывёў у прыклад Беларусь, на якую была выдзелена вялікая колькасць бюджэтных месцаў у ВНУ, аднак Расіі "цяжка цягацца нават з Польшчай".

"Палякі даюць магчымасць не проста вучыцца, але яшчэ і нейкія стыпендыі, гранты для студэнтаў выдзяляюць. Нам складана канкураваць, калі мы прапануем дзецям проста прыходзіць і вучыцца. Трэба ўдасканаліць сістэму, каб у нейкі момант хоць бы ў частцы гэтых квот з'явіўся кампанент грантаў і стыпендый. Каб не проста - ідзіце і вучыцеся, а вось вам квіток, каб даляцець, вось вам магчымасць аплаціць жыллё або інтэрнат", - адзначыў Прымакоў.

Рассупрацоўніцтва зацікаўлена ў тым, каб замежныя студэнты, калі прыязджаюць у Расію, станавіліся высакакласнымі спецыялістамі, экспертамі ў той сферы, у якой вучацца, падкрэсліў кіраўнік агенцтва. І пасля навучання вярталіся дадому, займалі там значныя для іх пазіцыі, атрымлівалі добрую працу. Аднак пры цяперашняй сістэме часта гэтыя планы не атрымліваецца ажыццявіць.

"Ёсць рабяты, якія, прыязджаючы ў Расію, аказваюцца ў цяжкіх абставінах, яны сыходзяць працаваць дворнікамі, таксістамі. Гэта няправільна нават з пункту гледжання расходавання нашых бюджэтных сродкаў на навучанне гэтых рабят", - растлумачыў кіраўнік Рассупрацоўніцтва.

І дадаў, што пакуль дакладных планаў па рэфармаванні сістэмы вылучэння квот няма, "планы - гэта ўжо нешта больш-менш выразнае, звярстанае", праблема яшчэ толькі абмяркоўваецца. Аднак без рэфармавання ўжо не абысціся, упэўнены Яўген Прымакоў.

Пытанне павелічэння квот з 15 да 30 тысяч бюджэтных месцаў для замежных студэнтаў шырока абмяркоўваўся ў Дзярждуме ў пачатку 2020 года. Тады старшыня думскага камітэта па справах СНД, еўразійскай інтэграцыі і сувязях з суайчыннікамі Леанід Калашнікаў называў лічбу ў 15 тысяч месцаў не адпавядаючай міжнароднай ролі і гуманітарнай сіле Расіі. І таксама прыводзіў у прыклад Польшчу, якая толькі для грамадзян Беларусі вылучае 10 тысяч бюджэтных месцаў, і Румынію, якая бясплатна штогод навучае 5 тысяч грамадзян Малдовы. У той час як колькасць заявак замежнікаў на навучанне ў Расіі наблізілася да 100 тысяч чалавек. У выніку ў планах Мінадукнавукі павялічыць колькасць квот для замежных студэнтаў да 30 тысяч чалавек.

Стужка навiн
0
Спачатку новыяСпачатку старыя
loader
У эфіры
Заголовок открываемого материала
Міжнародны
InternationalEnglishАнглійскіMundoEspañolІспанскі
Еўропа
DeutschlandDeutschНямецкіFranceFrançaisФранцузскіΕλλάδαΕλληνικάГрэчаскіItaliaItalianoІтальянскіČeská republikaČeštinaЧэшскіPolskaPolskiПольскіСрбиjаСрпскиСербскіLatvijaLatviešuЛатышскіLietuvaLietuviųЛітоўскіMoldovaMoldoveneascăМалдаўскіБеларусьБеларускiБеларускі
Закаўказзе
АҧсныАҧсышәалаАбхазскіԱրմենիաՀայերենАрмянскіAzərbaycanАzərbaycancaАзербайджанскіХуссар ИрыстонИронауАсецінскіსაქართველოქართულიГрузінскі
Бліжні Усход
Sputnik عربيArabicАрабскіTürkiyeTürkçeТурэцкіSputnik ایرانPersianФарсіSputnik افغانستانDariДары
Цэнтральная Азія
ҚазақстанҚазақ тіліКазахскіКыргызстанКыргызчаКіргізскіOʻzbekistonЎзбекчаУзбекскіТоҷикистонТоҷикӣТаджыкскі
Усходняя і Паўднёва-Усходняя Азія
Việt NamTiếng ViệtВ'етнамскі日本日本語Японскі俄罗斯卫星通讯社中文(简体)Кітайскі俄罗斯卫星通讯社中文(繁体)Кітайскі
Паўднёвая Амерыка
BrasilPortuguêsПартугальскі