Пуцін, Трамп і Макрон рыхтуюць сумесную заяву па Карабаху

© Sputnik / Перайсці ў медыябанкРэактыўны снарад сістэмы "Смерч" на тэрыторыі абшчыны Іванян Нагорнага Карабаха
Рэактыўны снарад сістэмы Смерч на тэрыторыі абшчыны Іванян Нагорнага Карабаха - Sputnik Беларусь
Падпісацца на
НовостиTelegram
Расійскі лідар у чацвер правёў пасяджэнне Савета бяспекі РФ, на якім асаблівая ўвага была нададзена эскалацыі канфлікта ў Нагорным Карабаху.

МІНСК, 1 кас - Sputnik. Прэзідэнт Расіі, ЗША і Францыі Уладзімір Пуцін, Дональд Трамп і Эмануэль Макрон рыхтуюць сумесную заяву па сітуацыі ў Нагорным Карабаху, заявіў прэс-сакратар расійскага лідара Дзмітрый Пяскоў.

Ваенны канфлікт у Карабаху - Sputnik Беларусь
Аліеў і Пашынян выказаліся пра абвастрэнне канфлікту ў Нагорным Карабаху

У чацвер Пуцін правёў нараду з членамі Савета бяспекі РФ."

Асаблівая ўвага на нарадзе была нададзена сітуацыі на лініі судакранання ў Карабаху", - сказаў Пяскоў.

Падчас нарады расійскі прэзідэнт выказаў "крайнюю занепакоенасць у сувязі з баямі".

"Уладзімір Пуцін праінфармаваў удзельнікаў нарады аб падрыхтоўцы сумеснай заявы прэзідэнтаў Расіі, ЗША і Францыі па Нагорным Карабаху", - дадаў Пяскоў.

Сёння, нагадаем, Пуцін правёў тэлефонную размову з Макронам. Прэзідэнты выказалі гатоўнасць, каб ад імя лідараў Мінскай групы выйшла заява на карысць спыненні эскалацыі ў Карабаху.

Сітуацыя ў Нагорным Карабаху

Карабахскі канфлікт: ці змогуць Азербайджан і Арменія дамовіцца? - Sputnik Беларусь
Відэа
Карабахскі канфлікт: ці змогуць Азербайджан і Арменія дамовіцца?
Мінабароны Азербайджана 27 верасня заявла, што ВС Арменіі абстралялі населеныя пункты на лініі судакранання ў Карабаху, паводле гэтых дадзеных, ёсць загінулыя сярод грамадзянскіх і ваенных. Па заяве мінабароны Арменіі, Карабах "патрапіў пад паветраныя і ракетныя напады". У Ерэване заяўлялі, што Баку "пачаў наступ" на карабахскім кірунку. У непрызнанай Нагорна-Карабахскай рэспубліцы паведамілі, што ад артылерыйскага абстрэла пацярпелі мірныя населеныя пункты ў Карабаху, у тым ліку сталіца Сцепанакерт, улады заклікалі насельніцтва схавацца, а пазней абвясцілі ў Карабаху ваеннае становішча і мабілізацыю.

Ваеннае становішча і ўсеагульную мабілізацыю ўпершыню абвясціла і Арменія. Прэзідэнт Азербайджана зацвердзіў ўвядзенне ваеннага становішча ў шэрагу гарадоў і рэгіёнаў рэспублікі і каменданцкай гадзіны ў краіне, а таксама абвясціў аб частковай мабілізацыі.

Шэраг дзяржаў, у тым ліку РФ і Францыя, заклікалі бакі да стрыманасці. Турцыя заявіла, што акажа Азербайджану любую запытаную ім падтрымку на фоне чарговага абвастрэння сітуацыі ў Нагорным Карабаху.

Стужка навiн
0