МІНСК, 2 кас - Sputnik. Прэзідэнты Беларусі і Расіі Аляксандр Лукашэнка і Уладзімір Пуцін абмеркавалі нармалізацыю транспартных зносін паміж краінамі, паведамілі ў прэс-службе беларускага лідара.
У пятніцу, 2 кастрычніка, кіраўнікі дзвюх дзяржаў правялі тэлефонную размову.
"У полі зроку прэзідэнтаў быў цэлы шэраг міжнародных праблем. У тым ліку сітуацыя ў Нагорным Карабаху. Ва ўзаемасувязі з наяўнымі еўрапейскімі праблемамі Аляксандр Лукашэнка і Уладзімір Пуцін абмеркавалі сітуацыю ў Беларусі і Расіі. І абмяняліся падрабязнай інфармацыяй аб становішчы ўнутры краін", - цытуе БелТА прэзідэнцкую прэс-службу.
Кіраўнікі дзяржаў таксама абмеркавалі далейшыя дзеянні па нармалізацыі транспартных зносін - авіяцыйных, чыгуначных і аўтамабільных - паміж дзвюма краінамі.
У прэс-службе таксама адзначылі, што значная ўвага падчас размовы была нададзена сітуацыі з распаўсюджваннем COVID-19, выказана заклапочанасць ростам захворвання дадзенай інфекцыяй.
Вялікую ўвагу Лукашэнка і Пуцін надалі аналізу мінулых сумесных ваенных вучэнняў "Славянскае брацтва-2020", якія прайшлі пад Брэстам ў верасні.
Акрамя таго, кіраўнікі дзяржаў падрабязна абмеркавалі вынікі VII Форуму рэгіёнаў Беларусі і Расіі.
