МІНСК, 8 кас - Sputnik. Улады Балгарыі прынялі рашэнне аб адклiканнi свайго пасла ў Мінску для кансультацый у сувязі з развіццём сітуацыі ў рэспубліцы, паведаміў у чацвер балгарскі МЗС.
"У сувязі з развіццём сітуацыі ў Беларусі было вырашана выклікаць пасла Балгарыі ў Беларусі Георгія Васілёва для кансультацый у Сафію ў знак поўнай салідарнасці і падтрымкі нашых партнёраў па Еўрасаюзе - Польшчы і Літвы", - гаворыцца ў заяве МЗС.
Там таксама адзначаецца, што ў чацвер 8 кастрычніка пасол Васілёў ўручыў беларускаму МЗС ноту аб сваім ад'ездзе з рэспублікі.
У ведамстве падкрэслілі, што спробы беларускіх уладаў аказваць ціск на дыпламатычныя прадстаўніцтвы краін-членаў ЕС недапушчальныя.
У МЗС заклікаюць кіраўніцтва рэспублікі вызваліць усіх палітычных зняволеных і грамадзян, затрыманых падчас мірных пратэстаў, прыступіць да расследавання выпадкаў гвалту з боку праваахоўнікаў, а таксама пачаць дыялог з апазіцыяй.
Раней сваіх паслоў з Беларусі адклікалі Літва, Польшча і Нямеччына. Літоўскі і польскі паслы з'ехалі 5 кастрычніка, нямецкі - 6 кастрычніка. У сераду 7 кастрычніка стала вядома, што Мінск пакінуць кіраўнікі дыпмісій Латвіі і Эстоніі. У чацвер стала вядома, што міністр замежных спраў Славакіі Іван Корчок прыняў рашэнне адклікаць пасла з Беларусі на знак салідарнасці з уладамі Літвы і Польшчы.
Настойлівая просьба
Адклікаць кіраўнікоў дыппрадстаўніцтваў для кансультацый і скараціць колькасць дыпламатаў у Беларусі МЗС прапанавала Літве і Польшчы на мінулым тыдні. Сваіх паслоў з гэтых краін Мінск адклікаў для кансультацый 5 кастрычніка. Як адзначылі ў МЗС, гэта звязана з "адкрыта дэструктыўнай дзейнасцю з боку гэтых краін".
Спачатку ўлады Літвы і Польшчы заявілі, што не маюць намер выконваць дадзеныя ўмовы, аднак у панядзелак стала вядома, што Літва прыняла рашэнне адклікаць пасла. Дамоўленасць аб тым, каб не скарачаць штат пасольства, не была дасягнутая.
Пратэсты і абвінавачванні
Акцыі пратэсту пачаліся ў Беларусі пасля выбараў прэзідэнта 9 жніўня - на іх, па дадзеных ЦВК, перамогу атрымаў Аляксандр Лукашэнка, які набраў больш за 80% галасоў.
Улады Беларусі неаднаразова заяўлялі пра тое, што акцыі каардынуюцца з-за мяжы. Прэзідэнт Аляксандр Лукашэнка абвінаваціў краіны Захаду ў прамым умяшанні ў справы рэспублікі, кажучы пра тое, што беспарадкі накіроўваюць ЗША, а каардынатары знаходзяцца ў Літве, Польшчы, Украіне і Чэхіі.
На мінулым тыдні Еўрасаюз паведаміў пра ўвядзенне санкцый супраць Мінска і апублікаваў "чорны спіс", куды ўвайшлі каля 40 прадстаўнікоў беларускіх уладаў. Прэзідэнт Беларусі Аляксандр Лукашэнка ў яго не трапіў.
Мінск паведаміў, што Беларусь уводзіць адказ візавыя санкцыі ў дачыненні да прадстаўнікоў еўрапейскіх органаў улады, але пакуль беларускія ўлады яго не абнародуюць.
