У тоўшчы беларускай каменнай солі расійскі "Газпрам" захоўвае мільёны кубоў газу. А калісьці падземнае сховішча газу пад Мазыром было буйной базай паліва "Нёман" - рэжымным аб'ектам. База забяспечвала гаручым заходнюю групоўку войскаў.
З распадам Савецкага Саюза адпала патрэба ў вялікай колькасці ваеннай інфраструктуры, і прадпрыемства падвойнага прызначэння ператварылася ў першае на постсавецкай прасторы падземнае сховішча газу ў тоўшчы солі.
Ад намеру да рэалізацыі задуманага прайшло зусім няшмат часу. У 2006 годзе было прынята рашэнне стварыць на месцы былой базы з палівам газавае сховішча, а ўжо ў 2008 годзе яго рэалізавалі.
Тоўшча саляных адкладанняў не прапускае блакітнае паліва вонкі. А таму ад такога суседства не пакутуюць ні падземныя воды, ні жыўнасць на паверхні.
"Вы заўсёды ведаеце, што, колькі запампавалі газу, столькі і выпампуеце, таму што свідравіна абсалютна герметычная", - кажа Начальнік Мазырскага ПСГ Віктар Лукомскі.
Свідравіна знаходзіцца на глыбіні ў адну тысячу метраў. Намывает падземныя рэзервуары ў тоўшчы солі - дарагое мастацтва. На Захадзе гэта абыдзецца прыблізна 30 тысяч еўра ў дзень. А ў "Газпрам трансгаз Беларусь" існуе Упраўленне буравых работ.
Працуе сховішча ў прывязцы да ацяпляльнага перыяду. Узімку аддае ў сістэму паліва, а з прыходам цяпла пачынае забіраць.
Глядзіце на відэа, як выглядае газавае сховішча "Газпрама" ў пакладах беларускай солі.
