МУС расказала, колькі чалавек затрымалі на нядзельных акцыях пратэсту

© Sputnik / Виктор ТолочкоАкцыя пратэсту ў Мінску 18 кастрычніка
Акцыя пратэсту ў Мінску 18 кастрычніка - Sputnik Беларусь
Падпісацца
Па звестках ведамства, несанкцыянаваныя акцыі прайшлі ў 16 населеных пунктах краіны, у іх удзельнічалі каля 8 тысяч чалавек.

МІНСК, 19 кас - Sputnik. Падчас нядзельных акцый пратэсту па ўсёй краіне былі затрыманыя 280 чалавек, такую лічбу назвалі ў міністэрстве ўнутраных спраў Беларусі.

Мітынг Жанчыны за адзінства і мір у падтрымку прэзідэнта Беларусі Аляксандра Лукашэнкі - Sputnik Беларусь
Пракуратура патлумачыла, чаму не затрымліваюць удзельнікаў праўладных акцый

Па звестках ведамства, пратэстныя акцыі 18 кастрычніка прайшлі ў 16 населеных пунктах краіны, у іх прынялі ўдзел каля васьмі тысяч чалавек.

"Ва ўсіх абласных цэнтрах, за выключэннем сталіцы, яны былі нешматлікія (ад 10 да 100 удзельнікаў)", - распавяла прэс-сакратар МУС Вольга Чамаданава.

Усяго за ўчорашні дзень па ўсёй рэспубліцы за парушэнне заканадаўства аб правядзенні масавых мерапрыемстваў былі затрыманыя 280 чалавек.
"З іх у Мінску - 215. Да разгляду ў судзе спраў па адміністрацыйных правапарушэннях у месцы ўтрымання затрыманых змешчаныя 237 чалавек", - распавялі ў ведамстве.

Больш за ўсё пратэстоўцаў было ў Мінску.

"У раёне вуліцы Кастрычніцкай у 14:30 сабраліся разрозненыя групы грамадзян, прайшоў у напрамку Партызанскага праспекта, дзе выйшлі на праезную частку і заблакавалі рух транспарту. Пасля чаго накіраваліся ў бок МКАД. У 16:10 супрацоўнікамі АУС і ўнутраных войскаў МУС рух мітынгоўцаў было заблакаваны. У пікавы момант збору іх агульная колькасць дасягнула прыкладна сямі тысяч чалавек. Каля 18:00 у раёне скрыжавання праспекта Ракасоўскага і вуліцы Малініна несанкцыянаваная акцыя завяршылася", - адзначыла Чамаданава.

У Брэсце і ў Гомелі, па дадзеных МУС, групы грамадзян рабілі спробы правесці вулічныя шэсці па вуліцах горада, якія былі спынены супрацоўнікамі міліцыі.

Стужка навiн
0