МІНСК, 2 ліс - Sputnik. Распачатая праверка па факце смерці радавога, якая адбылася на агульнавайсковым навучальным палігоне, паведамілі ў панядзелак у прэс-службе Мінабароны Беларусі.
У цяперашні час абставіны здарэння высвятляе камісія абароннага ведамства, створаная сумесна са Следчым камітэтам.
"Ваеннае ведамства выказвае спачуванні родным і блізкім радавога Грыба", - гаворыцца ў афіцыйным паведамленні прэс-службы.
Пры гэтым у Мінабароны ўдакладнілі, што салдат нёс службу на пасадзе курсанта школы падрыхтоўкі мотастралковых і дэсантных падраздзяленняў 72-га Аб'яднанага навучальнага цэнтра. Ва "ўчэбцы" у Печах вайскоўца характарызавалі станоўча.
"Міністэрства абароны акажа неабходную дапамогу сям'і вайскоўца", - запэўнілі ў абаронным ведамстве.
