У роліку паказана, як цягнік праязджае па тунэлі трэцяй лініі, паказана і тое, як выглядаюць першыя тры станцыі новай веткі Мінскага метрапалітэна.
Раней паведамлялася, што адкрыццё першага ўчастка лініі плануецца да 7 лістапада.
Трэцяя ветка метро (яна ж Зялёналужская) пачала будавацца ў лютым 2014 года. Дату яе адкрыцця перыядычна пераносілі. У прыватнасці, прапаноўвалася, што першыя станцыі запрацуюць на Дзень Незалежнасці, які адзначаецца 3 ліпеня. Пазней адкрыццё лініі анансавалі ў жніўні.
На дадзены момант пабудаваныя чатыры станцыі - "Вакзальная", "Кавальская Слабада", "Плошча Багушэвіча" і "Юбілейная плошча". Усяго ж Зялёналужская ветка будзе ўключаць у сябе 14 станцый, іх павінны пабудаваць да 2026-2028 гадоў.
