Нагадаем, афіцыйная цырымонія запуску БелАЭС у Астраўцы прайшла ў суботу, 7 лістапада. Чакаецца, што першы блок увядуць у прамысловую эксплуатацыю ў першым квартале 2021 года, другі - ў 2022-м. Пра тое, што дае ўласная атамная электраэнергія простым беларусам, у інтэрв'ю тэлеканалу "Беларусь-1" распавёў міністр энергетыкі Віктар Каранкевіч.
"Да ўводу першага і другога энергаблока ўжо прынята рашэнне па ўсталяванні стымулюючых узроўняў тарыфаў як для насельніцтва, так і для рэальнага сектара эканомікі. Мы ўжо бачым канкрэтныя прыклады: ужо пабудаваны шматкватэрныя жылыя дамы, дзе электрычная энергія выкарыстоўваецца для мэтаў ацяплення і гарачага водазабеспячэння. І многія грамадзяне, якія пражываюць у індывідуальным жылым фондзе, выказалі жаданне перайсці на выкарыстанне электраэнергіі ў гэтых мэтах", - сказаў ён.
Адзначым, беларуская АЭС 7 лістапада была выведзена на новую магутнасць у 400 мегават. Праца двух энергаблокаў дазволіць забяспечыць каля 40% патрэбнасці рэспублікі ў электраэнергіі. Гэта тычыцца як жылога фонду, так і рэальнага сектара. У прыватнасці, ствараюцца "пэўныя стымулы да развіцця электрамабілебудаўніцтва". Да канца 2020-га Мінэнерга плануе стварыць сетку з 400 электразарадных станцый па краіне, і да канца 2021-га павялічыць іх колькасць як мінімум да 600 станцый.
Фрагмент інтэрв'ю міністра энергетыкі Віктара Каранкевіча слухайце ў аўдыёзапісы на радыё Sputnik Беларусь.
