МІНСК, 12 ліс - Sputnik. Пакуль што няма неабходнасці прымаць "неадкладныя рашэнні" з гэтай нагоды, лічыць кіраўнік IIHF.
Будучы турнір, які павінен прайсці ў маі-чэрвені 2021, абмеркавалі ў чацвер на відэаканферэнцыі з удзелам прадстаўнікоў Латвійскай федэрацыі хакея.
"Прэзідэнт IIHF падкрэсліў, што арганізацыя дзейнічае па-за палітыкай і спрабуе зрабіць усё магчымае, каб чэмпіянат свету прайшоў у дзвюх краінах, за якія прагаласаваў кангрэс IIHF", - гаворыцца на сайце Міжнароднай федэрацыі хакея.
Разам з тым, прэм'ер-міністр Латвіі Крыш'яніс Карыньш заявіў, што прыярытэтам павінна быць "здольнасць забяспечыць бяспечныя ўмовы для гульцоў, удзельнікаў, СМІ, афіцыйных асоб і заўзятараў", з чым Фазель пагадзіўся.
"У нас была вельмі пазітыўная сустрэча з прадстаўнікамі ўрада Латвіі і арганізатарамі турніру па тэме чэмпіянату свету. Абмяркоўваліся магчымасці арганізатараў па забеспячэнню правядзення бяспечнага чэмпіянату свету, што з'яўляецца асабліва складанай задачай для Еўропы, якая зараз перажывае другую хвалю COVID-19", - распавёў Фазель.
Спяшацца няма куды
Пры гэтым ён падкрэсліў, што неабходнасці "прымаць неадкладныя рашэнні" з гэтай нагоды няма. Трэба будзе ўважліва прааналізаваць сітуацыю ў абедзвюх краінах па меры яе развіцця, гэта запатрабуе часу.
"На наступным этапе мы прадставім аналіз бяспекі савету IIHF, каб выпрацаваць далейшыя крокі", - заявіў кіраўнік IIHF.
Адной з самых сур'ёзных праблем арганізатары называюць цяжкасці, звязаныя з запаўненнем лядовых арэн: пакуль невядома, ці будуць заўзятары дапушчаныя на матчы турніру.
Чэмпіянат свету па хакеі 2021 года павінен прайсці 21 мая - 6 чэрвеня ў Мінску і Рызе. Раней улады Латвіі прапаноўвалі перанесці турнір у іншую краіну ў сувязі з сітуацыяй у Беларусі пасля прэзідэнцкіх выбараў. Са свайго боку ў Мінску заявілі пра гатоўнасць правесці чэмпіянат свету ў адзіночку, калі гэта спатрэбіцца.
