Слонімскую сінагогу выставілі на продаж у чацвёрты раз

Старадаўні помнік архітэктуры знаходзіцца ў цэнтры горада, больш за 10 гадоў ён пустуе і руйнуецца. У райвыканкаме заяўляюць, што грошай на яго рэканструкцыю няма.

МІНСК, 8 сне - Sputnik. Будынак вялікай харальнай сінагогі мясцовыя ўлады плануюць прадаць па кошце ўжыванай іншамаркі - крыху больш чым за 10 тысяч долараў (27,4 тысячы рублёў) перад Новым годам, распавялі Sputnik у Слонімскім райвыканкаме.

Стары замак у Гродне - Sputnik Беларусь
Палац Баторыя ў Гродне: чаго нам гэта будзе каштаваць?

"Перш за ўсё, нам неабходна пабудаваць дзіцячы сад. Сінагога - аб'ект не акупны, ад якога прыбытку чакаць не варта. Спадзяемся прадаць яе зацікаўленым людзям у мэтах рэстаўрацыі і рэканструкцыі", - патлумачыла Sputnik намеснік начальніка аддзела архітэктуры і будаўніцтва Слонімскага райвыканкама Аляксандра Пянько.

Упершыню будынак выставілі на аўкцыён летам 2020-га і ацанілі ў крыху больш чым 53 тысячы долараў (137 тысяч беларускіх рублёў). Пакупнікоў не знайшлося, і ўлады сталі патроху адпускаць цану. Аднак і тады жадаючых набыць сінагогу не было. У чацвёрты раз старадаўні аб'ект паспрабуюць прадаць за 27,4 тысячы беларускіх рублёў. Як запэўніваюць у райвыканкаме, знайшоўся патэнцыйны інвестар з Вялікабрытаніі, гатовы ўкласціся ў аднаўленне аб'екта.

"У горада няма сродкаў на рэстаўрацыйныя работы, сума непад'ёмная. У куплі зацікаўлены англічанін Майкл Мэй, продкі якога калісьці жылі ў Слоніме. Вядзем з ім перамовы. У будынку ён хоча зрабіць музей яўрэйскай культуры", - распавяла начальнік аддзела культуры райвыканкама Галіна Данільчык.
Аўкцыён адбудзецца 29 снежня ў Гродне. Апошні дзень падачы заяў на ўдзел у аўкцыёне - 22 снежня.

Слонімская сінагога - адна з самых старых у Беларусі, яе пабудавалі ў 1642 годзе ў стылі барока. Фрэскі ў ёй выкананы ў рэдкай тэхніцы грызайль, элементы дэкаратыўнай ляпніны ў будынку пакрытыя пазалотай або размаляваныя. У пасляваенныя гады ў сінагозе быў склад, затым яна выкарыстоўвалася як гандлёвае памяшканне.

У 2001 годзе сінагога была перададзена ва ўласнасць Іўдзейскаму рэлігійнаму аб'яднанню Беларусі. Некаторы час будынак знаходзіўся на рэстаўрацыі, але з-за адсутнасці фінансавання працы былі спыненыя.

Стужка навiн
0
Спачатку новыяСпачатку старыя
loader
У эфіры
Заголовок открываемого материала
Міжнародны
InternationalEnglishАнглійскіMundoEspañolІспанскі
Еўропа
DeutschlandDeutschНямецкіFranceFrançaisФранцузскіΕλλάδαΕλληνικάГрэчаскіItaliaItalianoІтальянскіČeská republikaČeštinaЧэшскіPolskaPolskiПольскіСрбиjаСрпскиСербскіLatvijaLatviešuЛатышскіLietuvaLietuviųЛітоўскіMoldovaMoldoveneascăМалдаўскіБеларусьБеларускiБеларускі
Закаўказзе
АҧсныАҧсышәалаАбхазскіԱրմենիաՀայերենАрмянскіAzərbaycanАzərbaycancaАзербайджанскіХуссар ИрыстонИронауАсецінскіსაქართველოქართულიГрузінскі
Бліжні Усход
Sputnik عربيArabicАрабскіTürkiyeTürkçeТурэцкіSputnik ایرانPersianФарсіSputnik افغانستانDariДары
Цэнтральная Азія
ҚазақстанҚазақ тіліКазахскіКыргызстанКыргызчаКіргізскіOʻzbekistonЎзбекчаУзбекскіТоҷикистонТоҷикӣТаджыкскі
Усходняя і Паўднёва-Усходняя Азія
Việt NamTiếng ViệtВ'етнамскі日本日本語Японскі俄罗斯卫星通讯社中文(简体)Кітайскі俄罗斯卫星通讯社中文(繁体)Кітайскі
Паўднёвая Амерыка
BrasilPortuguêsПартугальскі