Відэа

Крыпта і падземны музей: што расійскі міністр рабіў у мінскім храме-помніку

Міністр адукацыі РФ Валерый Фалькоў і іншыя ўдзельнікі Другога Форуму Асацыяцыі ВНУ Беларусі і Расіі наведалі ў панядзелак у канцы дня Усіхсвяцкую царкву, зайшлі ў крыпту і паслухалі царкоўны хор. Глядзіце на відэа, як гэта было.

Сустрэў гасцей настаяцель парафіі - протаіерэй Фёдар Поўны. Ён правёў высокапастаўленых асоб у крыпту, дзе знаходзяцца астанкі ўдзельнікаў розных войнаў - 1812 года, Першай сусветнай і Вялікай Айчыннай. Побач размешчаны саркафаг з прахам спаленых вязняў Асвенцыма. Міністры адукацыі Беларусі і Расіі Ігар Карпенка і Валерый Фалькоў усклалі тут кветкі.

"Больш за 50 гадоў астанкі захоўваліся ў музеі Вялікай Айчыннай вайны ў Мінску, два гады таму іх перадалі нам. У крыпту спускаюцца прадстаўнікі любых канфесій, каб аддаць даніну памяці воінам, якіяпралілі кроў за радзіму", - распавёў святар.

У крыпце закладзена зямля ў крыштальных сасудах з палёў бітваў, у тым ліку з Смаленскай, Бранскай, Пскоўскай, Маскоўскай і іншых абласцей. Таксама ў крыпце гарыць агонь з Іерусаліма.

"Гэта сапраўднае святое месца, яно зачароўвае", - адзначыў міністр Фалькоў.

Настаяцель храма паказаў гасцям музей, які таксама знаходзіцца пад зямлёй. Тут захоўваюцца гістарычныя экспанаты часоў ВКЛ, Рэчы Паспалітай, Расійскай імперыі, СССР - вопратка, зброя, медалі, важныя дакументы. Затым ўдзельнікі азнаёміліся з строем і роспісам царквы і паслухалі дзіцяча-юнацкі і мужчынскі хор храма-помніка.

Першы камень у падмурак храма Усіх Святых заклаў Патрыярх Маскоўскі і ўсяе Русі Аляксій II ў 1991 годзе. Летам 2010 года ў Мінску на грошы дзяржавы і спонсараў з'явілася 74-метровая царква ў форме шатра, увянчанага пяццю залатымі купаламі з крыжамі. Гэта не толькі адзін з самых высокіх храмаў Беларусі, але і самы прасторны: падчас набажэнства можа прыняць больш за тысячу чалавек.

Стужка навiн
0
Спачатку новыяСпачатку старыя
loader
У эфіры
Заголовок открываемого материала