Стала вядома, калі пачнуць пазбаўляць беларускага грамадзянства за тэрарызм

© SputnikБеларускі пашпарт
Беларускі пашпарт - Sputnik Беларусь
Змены, унесеныя ў закон, таксама прадугледжваюць некаторыя спрашчэнні атрымання грамадзянства Беларусі.

МІНСК, 17 сне - Sputnik. Закон "Аб грамадзянстве Рэспублікі Беларусь" з папраўкамі аб пазбаўленні беларускага грамадзянства, а таксама яго атрыманні апублікаваны на Нацыянальным прававым інтэрнэт-партале ў чацвер, паведамляе Sputnik.

Дэпутат Марыя Васілевіч на сесіі парламента - Sputnik Беларусь
Экстрэмістаў і тэрарыстаў у Беларусі будуць пазбаўляць грамадзянства - Васілевіч

Самая прыкметная папраўка тычыцца магчымасці пазбаўлення беларускага грамадзянства за экстрэмізм "ці прычыненне цяжкай шкоды інтарэсам дзяржавы". Падставай для пазбаўлення грамадзянства будзе рашэнне суда, прысуд міжнароднага трыбунала або змешанага суда, які пацвярджае ўдзел чалавека ў тэрарыстычнай дзейнасці.

Пад удзелам у такім родзе дзейнасці разумеецца здзяйсненне злачынстваў, прадугледжанымі крымінальнымі артыкуламі 124-126, 130-133, 287, 289-290.5, 293, 356, 357, 359-361.3 незалежна ад месца яго здзяйснення.

Адзначаецца, што пазбавіць грамадзянства нельга непаўналетніх, а таксама тых, хто набыў яго па нараджэнні і ніколі не выходзіў з яго.

Папраўкі ўступяць у сілу праз шэсць месяцаў пасля афіцыйнага апублікавання ў законе, то бок з 18 чэрвеня 2021 года.

Такая норма ўводзіцца ў беларускае заканадаўства ўпершыню, і яна будзе тычыцца тых замежнікаў, якія прайшлі ў Беларусі працэдуру натуралізацыі, але нанеслі цяжкую шкоду інтарэсам Беларусі, былі абвінавачаныя ў дачыненні да тэрарызму і экстрэмізму. Дакументы на пазбаўленне грамадзянства будзе падпісваць прэзідэнт.

Што яшчэ новага ў законе?

Новая рэдакцыя закона спрашчае атрыманне беларускага грамадзянства па некаторых падставах. Напрыклад, называцца грамадзянамі Беларусі дазволяць дзецям, у бацькоў якіх няма грамадзянства. Правіла будзе дзейнічаць у выпадку, калі дзіця нарадзілася і пастаянна пражывае ў рэспубліцы.

Яшчэ адна навіна тычыцца замежнікаў. Тэрмін іх пастаяннага пражывання для атрымання грамадзянства Беларусі скарачаецца з сямі да пяці гадоў.

Стужка навiн
0
Спачатку новыяСпачатку старыя
loader
У эфіры
Заголовок открываемого материала