МІНСК, 12 сту – Sputnik. Рэспубліканскі інстытут кантролю ведаў апублікаваў спецыфікацыю ЦТ-2021. Па ўсіх прадметах, акрамя беларускай і рускай мовы, ёсць змены, пацвердзіў Sputnik дырэктар РІКВ Юрый Міксюк.
Нагадаем, што тэставанне складаецца з частак А і В: у першай частцы трэба выбраць правільны адказ з пераліку прапанаваных; у другой - дакладны адказ варта знайсці і ўпісаць у бланк самастойна.
Такім чынам, у гэтым годзе ў тэстах па хіміі, біялогіі, геаграфіі, грамадазнаўстве, гісторыі Беларусі, сусветнай гісторыі (найноўшы час), а таксама замежнай мове (англійскай, нямецкай, іспанскай, французскай) заданняў стане менш. Добра гэта ці дрэнна, вырашаць абітурыентам, але зроблена гэта для таго, каб звесці да мінімуму верагоднасць угадвання на тэставанні.
Па ўсіх прыродазнаўчых прадметах з часткі А прыбралі 10 заданняў (раней іх было 38, цяпер - 28), а ў частку B дадалі 4 задачы - зараз 16 замест 12. Што тычыцца тэсту па замежнай мове, то тут замест 48 заданняў у частцы А стала 30, а ў частцы B будзе 18 задач, замест 12 ранейшых. Пры гэтым час на праходжанне выпрабаванняў не змяніўся.
Першая навізна - ў матэматыцы і фізіцы
Як раней пісаў Sputnik, першыя змены адбыліся ў тэстах па матэматыцы і фізіцы. У ЦТ па гэтых прадметах з часткі А прыбралі дзве задачы (зараз іх 18 замест 20), у частку B дадалі дзве задачы (цяпер 14 замест 12). Акрамя таго, у заданнях частцы А зараз можа быць некалькі правільных адказаў да задачы (раней правільным мог быць толькі адзін адказ).
Што засталося без змен
Без змяненняў засталіся толькі два прадметных ЦТ - па рускай і беларускай мовах.
У частках А па-ранейшаму застаецца 30 заданняў, у комплексе В - 10. Пры гэтым у частцы А, як і раней, можа быць адзін або некалькі дакладных адказаў.
У чым прычына змен у ЦТ?
У гэтым годзе РІКВ захацеў звесці "тэорыю верагоднасці" пры выкананні тэстаў да мінімуму, каб зрабіць ЦТ больш справядлівым для добрасумленных абітурыентаў.
"У папярэднія гады мы спрабавалі праводзіць працу па павелічэнні "дестрактараў" выбару ў тэстах, каб паменшыць верагоднасць выпадковых адказаў. У гэтым годзе прынялі рашэнне скараціць колькасць заданняў у частцы А, якая прадугледжвае простую спробу выбару без шкоды ацэнкі ведаў і паўнаты ўсёй праграмы па вучэбным прадмеце", - адзначыў дырэктар інстытута Юры Міксюк.
Такім чынам, дзякуючы зменам, карацей стане і агульная даўжыня тэсту, паколькі памяншэнне колькасці заданняў у частцы А і павелічэнне задач у частцы B непрапарцыйна. РІКВ тым часам адзначае, што складанасць тэстаў, нягледзячы на значныя змены, захавана, і абітурыентам няма чаго хвалявацца.
"Новую практыку нават не адчуюць добрасумленныя абітурыенты, для іх нічога складаней ў тэстах не стане", - запэўнівае Міксюк.
Што тычыцца тэстаў па рускай і беларускай мовах, у іх практычна ўсе заданні ўжо маюць множны выбар правільнага адказу (г.зн. зрабіць трэба адзін і больш адказаў), і нешта змяняць у іх не мае сэнсу.
"Тэсты па гэтых прадметах ужо шмат гадоў дазваляюць рэалізоўваць падыход да мінімізацыі верагоднасці выпадковага угадвання адказаў у частцы А, таму нічога новага ў іх рабіць не сталі", - заявіў кіраўнік РІКВ.
Нагадаем, са студзеня ў краіне пачаўся другі этап рэпетыцыйнага тэставання. Ён будзе доўжыцца да канца лютага.
Чытайце таксама:
- РФ зацікаўлена ў студэнтах з Беларусі
- Міністр адукацыі РФ: ствараем умовы для студэнтаў Беларусі і Расіі
- Квоты, гранты і стыпендыі: што атрымаюць замежныя студэнты ў Расіі
