МІНСК, 29 сту – Sputnik. У студэнтаў ёсць усё для развіцця: больш магчымасцей, менш бытавых клопатаў, заявіў прэзідэнт Беларусі Аляксандр Лукашэнка.
Беларускі лідэр падкрэсліў, што, калі ён ствараў суверэнную Беларусь практычна з нуля, то ў нейкім сэнсе выгадаваў і студэнтаў. Паводле слоў Лукашэнкі, яго стаўленне да студэнтаў і моладзі не зменіцца, таму што ў гэтым "вельмі шмат асабістага".
"Гледзячы на вас, мы з вашымі бацькамі глядзім у будучыню. Я б нават сказаў - углядаемся ў будучыню, якую ў нейкі момант вы працягнеце будаваць ужо без нас. Людзі майго пакалення ў свой час марылі ў першую чаргу даць дзецям тое, чаго самі былі пазбаўлены: менш бытавых клопатаў і больш магчымасцей для развіцця. З гэтага пункту гледжання ў вас ёсць усё", - цытуе Лукашэнку БелТА.
Казаць ніхто не забараняе
Прэзідэнт краіны заявіў, што памятае сваё студэнцтва, таму ведае, як думае і якімі ідэямі жыве моладзь. Ён падкрэсліў, што студэнты выказваюць сваю пазіцыю ў сацсетках і нават у твар прадстаўнікам улады.
Прэзідэнт таксама азнаёміўся з дасягненнямі БДУ. Па словах рэктара ВНУ Андрэя Караля, БДУ, разам з захаваннем традыцый, удасканальвае адукацыйны працэс.
Універсітэт прадстаўлены ў 12 глабальных і сямі прадметных сусветных рэйтынгах, а электронная бібліятэка ВНУ мае статус першай у Еўропе. Таксама яна трэцяя сярод універсітэцкіх электронных бібліятэк свету ў рэйтынгу Transparent Ranking of Repositories.
Чытайце таксама:
- Прэзідэнт паабяцаў абараняць краіну на танку, БМП і з аўтаматам у руках
- Лукашэнка пра бліцкрыг у Беларусі і Расіі і "нямецкім пратэстуне"
- Лукашэнка пра лібералізацыю законаў: "ці не занадта мы захапіліся?"
