МІНСК, 2 лют – Sputnik. Вялікая колькасць ападкаў накрыла амерыканскія гарады. Непагадзь будзе панаваць яшчэ не менш за суткі, паведамляе BBC.
У эпіцэнтры апынуліся Нью-Йорк і Нью-Джэрсі. Там за суткі вышыня выпаўшых ападкаў вырасла да 48 і 43 сантыметраў адпаведна. На вуліцах узніклі заторы. Гарадскія ўлады вось-вось абвесцяць тэрыторыі зонамі бедства. На выпадак увядзення надзвычайных мер будуць закрыты дарогі, прыпынены чыгуначны рух, абвешчана эвакуацыя.
Снегапад суправаджаюць ураганны вецер і мяцеліца. Усяго за дзень у ЗША былі адменены больш чым 1600 авіярэйсаў. З-за снежнай буры прыпынена праца найбуйнейшых аэрапортаў, у тым ліку імя Джона Кэнэдзі.
Часова спынілі і вакцынацыю ад каронавіруса. Улады асабліва асцерагаюцца за пажылых амерыканцаў, якія могуць проста не дайсці з-за ўмоў надвор'я да урачоў. У камяках лёду і снегу безнадзейна захрасаюць аўтамабілі.
Чакаецца, што ападкі будуць працягвацца яшчэ, як мінімум, адзін дзень. Пасля чаго шторм пачне слабець.
Чытайце таксама:
- Да -25: на выхадных у Беларусь прыйдуць моцныя маразы
- Рэдкае відовішча: у пустыні Сахара выпаў снег
- Як ваенныя трэніруюцца вадзіць тэхніку ў складаных метэаўмовах
