МІНСК, 2 лют – Sputnik. Калі спатрэбіцца, краіны Арганізацыі дамовы аб калектыўнай бяспецы (АДКБ) гатовы дапамагчы Беларусі ў вырашэнні ўнутрыпалітычнага крызісу, пра гэта заявіў сёння Генеральны сакратар арганізацыі Станіслаў Зась падчас анлайн-брыфінгу.
"Пакуль відавочна, што рэспубліка павінна сама пераадолець ўнутраныя цяжкасці, якія склаліся. АДКБ не ўмешвалася і не збіраецца ўмешвацца ў гэты працэс. Вядома, наша арганізацыя гатова ў выпадку неабходнасці аказаць усялякую дапамогу беларускаму боку", - запэўніў Станіслаў Зась.
Дасягненне народнай згоды наперадзе, лічыць ён, і пакуль "казаць аб пераадоленні ўнутрыпалітычнага крызісу ў Беларусі заўчасна".
Рост абаронных расходаў
У свеце і Усходняй Еўропе, у прыватнасці, за апошнія гады ўзраслі сродкі, што затрачваюцца на армію.
"Ва ўсходне-еўрапейскай зоне выклікае трывогу мілітарызацыя рэгіёна. Рост абаронных выдаткаў адбываецца кожны год. Так, у свеце ў 2020 годзе сродкі на ваенныя патрэбы павялічыліся на 1,9%. Але найбольшы адбыўся як раз у Еўропе - на 5,6%", - удакладніў ён.
"Мы будзем і надалей захоўваць гэта "лідэрства" у Еўропе? Ці мы прыйдзем да высновы, што ёсць больш эфектыўныя спосабы - умацаванне супрацоўніцтва, міру і транспарэнтнасці", - задаўся пытаннем Зась.
Занепакоенасць выклікае размяшчэнне паблізу заходніх меж краін АДКБ комплексаў супрацьракетнай абароны, якія могуць выкарыстоўвацца як ударныя. Такім чынам, узрастаюць рызыкі развязвання новай гонкі ўзбраенняў.
НАТА ігнаруе спробы дыялогу
Паводле слоў Генеральнага сакратара АДКБ, НАТА нарошчвала канфрантацыйны курс у 2020 годзе. Але, нягледзячы на гэта, краіны арганізацыі дамовы калектыўнай бяспекі працягнуць пошукі шляхоў мірных перамоваў з заходнім блокам.
"Ніякіх канструктыўных ініцыятыў або рэакцый на нашы прапановы па дээскалацыі, умацаванні ўзаемнага даверу і супрацоўніцтву мы не бачым. Вымушаны ўлічваць сітуацыю, якая склалася ў кантэксце развіцця нашай арганізацыі і прымаць адэкватныя меры", - паведаміў Станіслаў Зась.
Краіны АДКБ вымушаны ўлічваць дадзеную сітуацыю. І праводзіць меры па стрымліванні абстаноўкі.
На думку Генеральнага сакратара АДКБ, НАТА і АДКБ лепш "не гуляць мускуламі", а дамаўляцца пра тое, каб зніжаць напружанасць у Еўропе.
Умацоўваць падрыхтоўку
На 2021 год краіны АДКБ запланавалі восем буйных вучэнняў. Большасць з іх разгорнуцца ў Таджыкістане. У прыватнасці, плануюцца вучэнні "Эшалон", буйныя вучэнні з калектыўнымі сіламі аператыўнага рэагавання, сіламі і сродкамі разведкі і іншымі.
Зась удакладніў, што вялікая частка вучэнняў запланавана на другое паўгоддзе, так як АДКБ арыентуецца на сітуацыю і тыя рызыкі, якія ўзнікаюць для ўдзельнікаў вучэнняў у сувязі з пандэміяй каронавіруса.
Разам з тым будзе нададзена ўвага ўмацаванню рэгіянальных сістэм, у тым ліку СПА. А следам сістэм сувязі, разведкі.
Не пакідаюць без увагі эксперты АДКБ узрослы ў пяць разоў лік кіберзлачынстваў. Таму трэніроўкі вайскоўцаў правядуць у сферы інфармацыйнай бяспекі, а таксама ў барацьбе з наркатрафікам і найміцтвам.
Чытайце таксама:
- Міністр абароны: Захад працягвае шукаць рашэнне па "беларускім выступе"
- Лукашэнка распавёў пра вучэнні па адпрацоўцы новых метадаў вядзення вайны
- Лукашэнка пра сітуацыю каля межаў Беларусі: ідзе нагнятанне абстаноўкі
