МІНСК, 5 лют – Sputnik. У Беларусі за мінулыя суткі зарэгiстравана 1 759 новых выпадкаў заражэння каронавірусам, вынікае з дадзеных Міністэрства аховы здароўя на пятніцу.
З бальніц за суткі выпісалі 1 994 пацыенты, напярэдадні, 4 лютага, бальнічныя ложкі пакінулі 1 959 чалавек.
Дзевяць чалавек памерлі ад ускладненняў, выкліканых інфекцыяй - лічба штосутачных смяротных зыходаў застаецца нязменнай з 1 лютага.
Усяго з пачатку пандэміі ў краіне захварэлі на COVID-19 255 172 чалавекі, ачунялі 243 144 пацыенты. За ўвесь час распаўсюджвання інфекцыі, з сакавіка 2020 года, памерлі 1 764 пацыенты.
За мінулыя 24 гадзіны было выканана 19 107 тэстаў, усяго ў краіне праведзена 4 538 812 тэстаў.
Раней міністр аховы здароўя Беларусі Дзмітрый Піневіч заяўляў, што эпідэміялагічная сітуацыя ў Беларусі стабілізавалася, ва ўсіх рэгіёнах краіны эпідпрацэс паказвае усё меншую інтэнсіўнасць.
Акрамя таго, у Беларусі праводзяць маніторынг "брытанскай" і "паўднёваафрыканскай" мутацый каронавіруса, якія трывожаць ўвесь свет. На сённяшні дзень, як паведамілі ў Міністэрстве аховы здароўя, новых штамаў інфекцыі ў краіне не выяўлена.
Чытайце таксама:
- Расія перадала Беларусі новую вакцыну ад каронавіруса "ЭпиВакКорона"
- Мінздароўя распавяло ці ёсць новыя небяспечныя мутацыі каронавіруса ў Беларусі
- Белавія адновіць палёты яшчэ ў два расійскія аэрапорты
