МІНСК, 5 лют – Sputnik. Кіраўнікі знешнепалітычных ведамстваў Расіі і ЗША Сяргей Лаўроў і Энтані Блінкен напярэдадні правялі першую тэлефонную размову, паведамілі ў прэс-службе МЗС РФ.
"Павіншаваўшы субяседніка з уступленнем на пасаду, міністр (Лаўроў – Sputnik) выказаў гатоўнасць да канструктыўнага дыялогу па шырокаму спектру тэм", - гаворыцца ў паведамленні.
Кіраўнікі ведамстваў віталі падаўжэнне да 2026 года Дамовы аб абмежаванні стратэгічных узбраенняў, так як гэта будзе спрыяць умацаванню міжнароднай бяспекі і стратэгічнай стабільнасці ў свеце.
Дыпламаты абмеркавалі, у прыватнасці, працу па мірным урэгуляванні ў Лівіі і Сірыі, а таксама сітуацыю на Украіне.
"Лаўроў нагадаў дзяржсакратару аб раней вылучаных Масквой прапановах аб прыняцці сумесных расійска-амерыканскіх заяў аб недапушчальнасці ядзернай вайны і аб неўмяшанні ва ўнутраныя справы адзін аднаго", - сказалі ў МЗС.
Расійскі міністр пацвердзіў, што РФ адкрыта для працы па нармалізацыі комплексу двухбаковых адносін Расіі і ЗША. Ён таксама адзначыў, што Масква гатова да ліквідацыі ўсіх складанасцяў, якія назапасіліся ў дыпламатычных адносінах паміж краінамі.
Лаўроў і Блінкен абмеркавалі і барацьбу з каронавірусам, выказаўшы адзінае меркаванне, што Расія і ЗША павінны наладзіць ўзаемадзеянне ў гэтай сферы, у тым ліку супрацоўніцтва ў распрацоўцы і ўдасканаленні вакцын.
Чытайце таксама:
- Дамова СНУ-3 афіцыйна прадоўжана на 5 гадоў: РФ і ЗША абмяняліся нотамі
- Псакі заявіла, што Байдэн "ніколі не стрымліваўся" у дачыненні да Пуціна
- МЗС РФ пазначыла чаканні ад новай адміністрацыі ЗША
