МІНСК, 7 лют – Sputnik. Золатавалютныя рэзервы Беларусі на 1 лютага склалі 7 мільярдаў 203,4 мільёна долараў, паведамілі ў прэс-службе Нацбанка.
Такім чынам, за мінулы месяц ЗВР знізіліся на 265 мільёнаў долараў (3,5%). У Нацбанку канстатавалі, што зніжэнне ўзроўню міжнародных рэзервовых актываў па выніках студзеня ў асноўным абумоўлена планавым пагашэннем урадам і фінрэгулятарам знешніх і ўнутраных абавязацельстваў у замежнай валюце на агульную суму 410,6 млн долараў, а таксама памяншэннем кошту манетарнага золата.
"Падтрыманню ўзроўня золатавалютных рэзерваў у студзені спрыяла паступленне замежнай валюты ў бюджэт, у тым ліку ад продажу міністэрствам фінансаў аблігацый, намінаваных у замежнай валюце", - сказалі ў ведамстве.
Паводле асноўных кірункаў грашова-крэдытнай палітыкі банка на 2021 год, аб'ём міжнародных рэзервовых актываў на 1 студзеня 2022 года павінен скласці не менш за шэсць мільярдаў долараў. Раней беларускія ўлады паводле палажэнняў грашова-крэдытнай палітыкі на мінулы год вызначылі, што на 1 студзеня 2021 года аб'ём міжнародных рэзерваў павінен быць не ніжэй за суму ў 7,3 мільярда долараў.
Чытайце таксама:
- Знешні дзяржаўны доўг Беларусі за 2020 год вырас на 1,4 млрд долараў
- Лукашэнка занепакоіўся цэнавай стабільнасцю
- Беларусь знізіла крытычны парог золатавалютных рэзерваў
