МІНСК, 11 лют – Sputnik. Няма перашкод для таго, каб за УНС замацаваць канстытуцыйны статус, сказала намеснік кіраўніка Адміністрацыі прэзідэнта Вольга Чупрыс карэспандэнту Sputnik ў кулуарах Усебеларускага народнага сходу (УНС).
Адказваючы на пытанне ці будзе на УНС разглядацца канстытуцыйная рэформа, прафесійны юрыст сказала, што, сапраўды, пытанні грамадска-палітычнага парадку стаяць.
"Гэта асаблівасць гэтага сходу. Папярэднія сходы былі прысвечаны аднаму пытанню: сацыяльна-эканамічнаму парадку, планам на пяцігоддзе і справаздачах. У гэтым годзе сход унікальны ў гэтым сэнсе, таму што грамадска-палітычны парадак вынесены ў прынцыпе", - патлумачыла Вольга Чупрыс.
Пасля чаго дадала, што кіраўнік дзяржавы закране ў сваім выступе гэтае пытанне. "А як пойдзе абмеркаванне, хіба можна гэта спрагназаваць?" - задала рытарычнае пытанне намеснік кіраўніка Адміністрацыі прэзідэнта.
Адказваючы на пытанне, якім чынам УНС можна надаць канстытуцыйны статус яна адзначыла, што УНС з'яўляецца разнавіднасцю рэспубліканскага сходу.
"Ужо цяпер такая форма існуе і замацаваная ў законе аб мясцовых сходах. Безумоўна, у тым законе прама не прапісаны Усебеларускі народны сход. Тым не менш, ён праводзіцца ў шосты раз", - нагадала Вольга Чупрыс.
Яна дадала, што як юрыст назвала б УНС формай прадстаўнічай дэмакратыі ў чыстым выглядзе. "Адпаведна, калі такую форму замацаваць у Канстытуцыі спецыяльна, то я не бачу перашкод для таго, каб гэта зрабіць. Трэба будзе прапісаць пэўныя паўнамоцтвы, у тым ліку паўнамоцтвы такога глабальнага сэнсу, улічваючы статус. Над гэтым трэба думаць і абмяркоўваць са спецыялістамі", - падкрэсліла намеснік кіраўніка Адміністрацыі.
На яе думку, няма перашкод для таго, каб за УНС замацаваць канстытуцыйны статус. Пры гэтым Вольга Чупрыс лічыць, што расколу ў беларускім грамадстве няма: "Раз'яднанне часцей за ўсё ў галовах".
"Сацыёлагі і даследчыкі, эксперты, якія працавалі да выбараў і цяпер не кажуць аб выразным падзеле грамадства. Таму што беларускае грамадства досыць маналітна", - звярнула ўвагу яна.
"Замацаванне статусу УНС ў Канстытуцыі можа замацаваць адзінства (грамадства) з прававога пункту гледжання", - мяркуе юрыст.
Пасля чаго дадала, што аб канстытуцыйнай рэформе гаварылася некалькі гадоў таму і цяпер ідзе абмеркаванне і выказваюцца зусім розныя пункты гледжання на гэтую тэму.
"Чым больш праходзіць часу, тым больш пераконваюцца, што можа і змяняць нічога не трэба: Канстытуцыя добрая і можа жыць", - распавяла намеснік кіраўніка адміністрацыі.
Яна ўдакладніла, што прэзідэнту паклалі некалькі варыянтаў новай Канстытуцыі на стол. У тым ліку, ад Канстытуцыйнага суда і групы экспертаў пры Адміністрацыі прэзідэнта.
"Большасць спецыялістаў і юрыстаў схіляюцца да таго, што карэнным чынам змяняць дзяржаўны лад нельга", - выказала ўпэўненасць Вольга Чупрыс.
З тым, што адбываецца падчас Усебеларускага народнага сходу, знаёмцеся ў матэрыяле Sputnik.
Чытайце таксама:
- Лукашэнка расказаў, калі будзе гатовы праект новай Канстытуцыі
- Лукашэнка: УНС не будзе мяняць канстытуцыйныя нормы
- Мезенцаў: канстытуцыйная рэформа ў РБ дазволіць наладзіць дыялог у грамадстве
