МІНСК, 18 лют – Sputnik. Прынцыповае рашэнне аб пераносе беларускага экспарту ў парты Ленінградскай вобласці прынята кіраўніцтвам краіны, сказаў губернатар расійскага рэгіёну Аляксандр Драздзенка.
Раней стала вядома, што беларускі лідэр Аляксандр Лукашэнка падпісаў указ, згодна з якім экспарт беларускіх нафтапрадуктаў пераносіцца з партоў балтыйскіх рэспублік на расійскую тэрыторыю.
"Я вельмі рады, што пастаўлена кропка ў пытанні пераводу беларускіх грузаў на ленінградскую зямлю. Беларускія калегі выязджалі, глядзелі нашы партовыя магутнасці", - прыводзіць словы губернатара афіцыйны Telegram-канал вобласці.
Пры гэтым Аляксандр Драздзенка не стаў скрываць, што пакуль захоўваюцца такія праблемныя пытанні, як ўрэгуляванне чыгуначных тарыфаў.
"Але галоўнае - прынцыповае рашэнне ёсць. Мы ў бліжэйшы час правядзем ва ўрадзе сустрэчу з уладальнікамі тэрміналаў і абмяркуем планы", - падкрэсліў кіраўнік расійскага рэгіёну.
У завяршэнне ён удакладніў, што пакуль бакі вядуць перамовы "аб нафтаналіўных грузах і мінеральным удабрэнні".
Чытайце таксама:
- Пералік грузаў Беларусі, якія пастаўляюцца праз парты РФ, могуць пашырыць
- Стала вядома, колькі нафты перапрацаваў у 2020 годзе завод "Нафтан"
- Мінск мае намер абмеркаваць з Масквой праўкі ў пагадненне па пастаўках нафты
