Падаражэлі: чэкі "Жыллё" праіндэксавалі ў Мінску

© Sputnik / Констанция ЖдановскаяЖылыя дамы ў Мінску
Жылыя дамы ў Мінску - Sputnik Беларусь, 1920, 23.02.2021
Падпісацца
Індэкс разлічваецца зыходзячы з цаны квадратнага метра жылля, якое будуецца з дзяржпадтрымкай, у параўнанні з коштам яго будаўніцтва па стане на 31 снежня 1991 года.

МІНСК, 23 лют – Sputnik. Імянныя прыватызацыйныя чэкі "Жыллё" праіндэксавалі ў Мінску, адпаведнае рашэнне Мінгарвыканкама №432 ад 12 лютага 2021 года апублікавана на Нацыянальным прававым інтэрнэт-партале.

Індэкс росту цэн на будаўніцтва жылля ў сталіцы ў чарговы раз пералічылі ў параўнанні з яго коштам на 31 снежня 1991 года. Цяпер ён склаў 25,617 рубля, да гэтага сума складала 25,008 рубля.

Імянныя прыватызацыйныя чэкі "Жыллё" могуць выкарыстоўваць мінчане і члены іх сем'яў, якія стаяць на ўліку для паляпшэння жыллёвых умоў. Імі можна аплаціць паявы ўзнос ў жыллёвым або жыллёва-будаўнічым кааператыве. Акрамя таго, з іх дапамогай можна прафінансаваць індывідуальнае або калектыўнае жыллёвае будаўніцтва, рэканструкцыю аднакватэрных, блакіраваных жылых дамоў, долевы ўдзел у жыллёвым будаўніцтве.

Мотавела - Sputnik Беларусь, 1920, 16.02.2021
Лукашэнка запатрабаваў выразны план на пяцігодку па развіцці мотавелазавода

Чэкі таксама дазваляюць купіць жыллё або пагасіць крэдыт у банку з працэнтамі за карыстанне імі і пазыку юрыдычных асоб, узятую і выкарыстаную на будаўніцтва або куплю жылля.

Індэкс росту кошту чэкаў "Жыллё" разлічваецца на падставе статыстыкі аб сярэдняй цане аднаго квадратнага метра агульнай плошчы жылля, якое будуецца з дзяржпадтрымкай у параўнанні з коштам яго будаўніцтва па стане на 31 снежня 1991 года.

Рашэнне ўступае ў сілу з моманту афіцыйнага апублікавання.

Чытайце таксама:

Стужка навiн
0