МІНСК, 26 лют – Sputnik. Выпрабавальны разліў вакцыны "Спутник V" пачнецца ў Беларусі з 1 сакавіка, прэпарат будуць вырабляць на базе "Белмедпрэпаратаў", заявіў у пятніцу міністр аховы здароўя Дзмітрый Піневіч, перадае карэспандэнт Sputnik.
"Сёння выраблена пробная партыя расійскай вакцыны, якая выпушчана на магутнасцях "Белмедпрэпаратаў". Гэта чарговы крок па лакалізацыі прэпарата ў Беларусі", - сказаў Піневіч.
Ён адзначыў, што ўзаемадзеянне з расійскімі калегамі носіць стратэгічны характар і нагадаў, што Беларусь першай з замежных дзяржаў правяла клінічныя выпрабаванні "Спутник V", зарэгістравала вакцыну і пачала вырабляць.
Пробная серыя
На базе "Белмедпрэпаратаў" у Беларусі плануюць выпускаць па 500 тысяч доз гэтай вакцыны ў месяц, аднак гэта будзе залежаць ад магчымасцей і патрэб Міністэрства аховы здароўя рэспублікі, растлумачыў генеральны дырэктар прадпрыемства "Белмедпрэпараты" Сяргей Бяляеў.
"Праца па пачатку вытворчасці вакцыны атрымалася складанай, таму што была абцяжарана тэрмінамі і камунікацыяй, якую прыходзілася наладжваць анлайн", - сказаў Бяляеў.
Якія вакцыны ўжо ёсць у Беларусі?
"Спутник V" зарэгістраваны ў 37 краінах, Беларусь стала першай замежнай дзяржавай, дзе пачалі выкарыстоўваць расійскі прэпарат. У канцы 2020 года ім пачалі прышчапляць медработнікаў, якія знаходзяцца ў зоне рызыкі. На сённяшні дзень прышчэплена каля 30 тысяч чалавек.
Чакаецца, што масавая вакцынацыя грамадзян рэспублікі стартуе ўжо ў красавіку. Два кампаненты вакцыны ў дзяржаўных паліклініках можна будзе атрымаць бясплатна, у прыватных медцэнтрах - на платнай аснове. Плануецца, што вакцынацыя ахопіць больш за 5,5 мільёна чалавек і будзе праводзіцца на добраахвотнай аснове.
У пачатку лютага Расія перадала Беларусі новую вакцыну ад каронавіруса - "ЭпиВакКорона", а на мінулым тыдні Кітай - 100 тысяч доз сваёй вакцыны вытворчасці кампаніі "Сінафарм".
Беларуская вакцына
Нагадаем, у канцы студзеня стала вядома, што навукоўцы Нацыянальнай акадэміі навук прыступілі да работ па вырабе айчыннай вакцыны. Тады было заяўлена, што яна з'явіцца ў наступным годзе, і не будзе саступаць замежным прэпаратам.
Чытайце таксама:
- Кітай накіраваў у Беларусь 100 тысяч доз вакцыны ад каронавіруса
- Расія перадала Беларусі новую вакцыну ад каронавіруса "ЭпиВакКорона"
- Якой будзе беларуская вакцына ад каронавіруса? Запыталіся ў навукоўцаў
