МІНСК, 10 сак – Sputnik. У Беларусі за мінулыя суткі захварэлі на каронавірус 609 чалавек, вынікае з новай статыстыкі Міністэрства аховы здароўя рэспублікі.
Ад пачатку пандэміі COVID-19 у краіне было зарэгістравана 298 123 чалавекі, у якіх пацверджаны каронавірус. За гэты час ачунялі 288 613 пацыентаў (564 за мінулыя суткі). Памерлі ад каронавіруса яшчэ восем чалавек, за ўвесь час ахвярамі COVID сталі 2063 беларусы.
За мінулыя суткі лабараторыі выканалі 7 030 тэстаў, усяго ў краіне праведзены 5 млн 32 тысячы 74 тэсты.
Вакцына ад каронавіруса ў Беларусі
Першай замежнай дзяржавай, якая атрымала не толькі расійскую вакцыну "Спутник V", але і тэхналогіі па вытворчасці прэпарата, стала Беларусь.
У студзені гэтага года стартавала масавая вакцынацыя медработнікаў, масава беларусаў плануюць пачаць прышчапляць ўжо ў красавіку.
Раней кіраўнік Міністэрства аховы здароўя рэспублікі Дзмітрый Піневіч паведаміў, што штомесяц у краіне будзе вырабляцца каля 500 тысяч доз вакцыны "Спутник V".
Чытайце таксама:
- Пасол Расіі распавёў, колькі доз вакцыны "Спутник V" атрымае Мінск у I квартале
- Эстонія ўводзіць татальны каранцін на фоне росту выпадкаў COVID
- На закупку вакцыны ад каронавіруса з бюджэту выдзяляецца $20 млн
