МІНСК, 25 сак – Sputnik. Пабочных эфектаў пасля вакцынацыі ад COVID-19 у расійскага лідэра Уладзіміра Пуціна не назіраецца, паведаміў прэс-сакратар прэзідэнта РФ Дзмітрый Пяскоў.
Уладзімір Пуцін атрымаў першую дозу вакцыны ад каронавіруса ў аўторак, 23 сакавіка. У сераду ў кіраўніка дзяржавы быў паўнавартасны працоўны дзень.
"У прэзідэнта ніякіх пабочных эфектаў не назіраецца, адчувае ён сябе добра, пераносіць вакцыну добра", - адзначыў прэс-сакратар.
Якой менавіта вакцынай быў прышчэплены Пуцін, не ўдакладняецца. Раней Пяскоў, адказваючы на пытанне, якую менавіта вакцыну абярэ расійскі лідэр, сказаў, што гэта будзе адзін з трох расійскіх прэпаратаў - "усё добрыя і надзейныя".
На дадзены момант у Расіі зарэгістраваны тры вакцыны ад каронавіруса: "Спутник V", "ЭпиВакКорона" і "КовиВак".
Ці прышчэпіцца беларускі прэзідэнт?
"Я прыняў рашэнне, што калі ў мяне ёсць антыцелы, мне вакцынавацца не трэба. Але прыйдзе час, трэба будзе паспрабаваць", - сказаў ён.
Нагадаем, раней беларускі лідэр паведамляў пра тое, што перахварэў на COVID-19 у ліпені 2020 года ў лёгкай форме і перанёс яго "на нагах".
Чытайце таксама:
- "Спутник V" адобрылі ў Камеруне і на Сэйшэлах
- ЕС пачне перамовы па закупках расійскай вакцыны "Спутник V"
- У Беларусі запусцілі прамысловы выпуск расійскай вакцыны ад COVID-19
