МІНСК, 31 сак – Sputnik. Прадстаўлена афіцыйная эмблема зімовых Алімпійскіх гульняў 2026 года ў Італіі, паведамляе прэс-служба Міжнароднага алімпійскага камітэта (МАК).
Лагатып Futura ("Футура") стаў пераможцам галасавання, у якім прынялі ўдзел больш за 871 тысячу чалавек. За эмблему прагаласавалі звыш 75% апытаных. На другім месцы размясціўся варыянт пад назвай Dado ("Дадо").
The voting has ended! 'Logo Futura' is the winning design for the @milanocortina26 Winter Olympic Games and Paralympic Games emblem!#StrongerTogether @Paralympics
— Olympics (@Olympics) March 30, 2021
Лагатып "Футура" ўяўляе сабой стылізаваную выяву чысла 26, выкананую ў шэрым колеры.
"Лагатып Futura, натхнёны тэмамі спорту, салідарнасці і ўстойлівага развіцця, выкананы ў дынамічным і сучасным дызайне, які адлюстроўвае фундаментальныя каштоўнасці Алімпійскіх і Паралімпійскіх зімовых гульняў", - сказала старшыня каардынацыйнай камісіі МАК па Алімпійскіх гульнях - 2026 Сары Эсайя.
"Futura. Because the future is a victory for all of us."#StrongerTogether @MilanoCortina26
— Olympics (@Olympics) March 30, 2021
Дарэчы, упершыню ў гісторыі АГ лагатып быў выбраны шляхам усенароднага галасавання.
Зімовыя Алімпійскія гульні пройдуць у італьянскіх гарадах Мілан і Корціна-д'Ампецца з 6 па 26 лютага 2026 года.
Чытайце таксама:
- Эстафета алімпійскага агню стартавала ў Японіі
- Як будуць выглядаць беларускія алімпійцы ў Токіа
- Прадстаўлены факел зімовых Алімпійскіх гульняў-2022 у Пекіне
