Вывяржэнне вулкана Гелдынгадалсгоса працягвалася ў выхадныя на паўвостраве Рэйк’янес. Вулкан знаходзіцца ўсяго ў 50 кіламетрах ад сталіцы Ісландыі. Улады не сталі зачыняць раён, таму на выхадных туды накіраваліся мясцовыя жыхары. Бо дзе яшчэ можна зрабіць такое сэлфі!
Людзей просяць заставацца з няветранага боку і на ўзвышшах, бо ўзровень газавага забруджвання вакол высокі. Да таго ж ёсць верагоднасць з'яўлення новых расколін.
Паглядзець на вулкан ужо прыбыў нават прэзідэнт Ісландыі Гудні Йоханесан. Ён падаў іншым прыклад выканання мер бяспекі - за вулканам назіраў з верталёта берагавой аховы.
Глядзіце на відэа, наколькі фантастычна выглядае вулкан, калі праляцець якраз над ім.
Глядзіце таксама:
- Вогненная рака і слупы попелу: на Камчатцы вывяргаецца вулкан Ключэўскай
- Этна зноў прачнулася: вывяржэнне вулкана адбылося на Сіцыліі - відэа
- Відэафакт: ледзяны "вулкан" з'явіўся ў казахскім стэпе
