МІНСК, 5 кра – Sputnik. Малако і малочная прадукцыя занялі верхні радок у спісе экспартных тавараў Беларусі ў Расію, вынікае са статыстычнага агляду Белстата.
У мінулым годзе Беларусь паставіла ў Расію малака і малочнай прадукцыі больш чым на два мільярды долараў. На другім месцы сярод найбольш запатрабаваных беларускіх прадуктаў - мяса. У 2020 годзе Расія купіла мяса і мясных прадуктаў больш чым на 500 мільёнаў долараў.
Аўтамабілі, трактары і седлавыя цягачы таксама ўвайшлі ў топ продажу. Расіяне купілі аўтамабіляў больш чым на 300 мільёнаў долараў, трактароў і цягачоў прыкладна на тую ж суму.
У спісе беларускіх пакупак на першым радку - нафта, Беларусь заплаціла Расіі ў мінулым годзе больш за 3,4 мільярда долараў за нафтавыя пастаўкі. На другім радку - прыродны газ, беларусы купілі прыроднага газу прыкладна на тую ж суму, якую расіяне выдаткавалі на беларускае мяса, каля 2,4 мільярда долараў.
У 2020 годзе ў Расійскую Федэрацыю экспартавана тавараў на суму 13,1 мільярда долараў, або ў 4,3 разы больш, чым у 1996 годзе. Імпарт тавараў павялічыўся ў 4,7 разы і склаў 16,4 мільярда долараў.
Чытайце таксама:
- Ці зможа малочны рынак Беларусі абысціся без Расіі? Меркаванне экспертаў
- ЕЭК дазволіла Мінску падоўжыць рэгуляванне цэн на сацыяльныя тавары
- Беларусь гатова будаваць у Прымор'і фермы "пад ключ" - улады рэгіёна
