Конкурс імя Юрыя Левітана стаў міжнародным

© PixabayДзяўчына піша ў нататніку
Дзяўчына піша ў нататніку - Sputnik Беларусь, 1920, 07.04.2021
Падпісацца на
Падаць заяўку на ўдзел можна ў чатырох намінацыях: аўтарская тэлевізійная праграма, аўтарская радыёпраграма, аудыёпадкасты і відэаблог.

МІНСК, 7 кра – Sputnik. Конкурс медыягрупы "Россия сегодня" для журналістаў і блогераў "Герои нашего времени" стаў міжнародным. Творчыя працы паступаюць не толькі з Расіі і Беларусі, але і з Кіргізіі і Узбекістана. Больш за ўсё прыходзіць заявак у намінацыях "аўтарская тэлевізійная праграма" і "відэаблог".

Лепшыя працы ўвойдуць у шорт-ліст, які будзе апублікаваны 15 чэрвеня на старонцы конкурсу. Пераможцы будуць абвешчаны на цырымоніі ўзнагароджання 24 чэрвеня 2021 года ў анлайн-фармаце.

Падаць заяўку на ўдзел можна ў чатырох намінацыях: аўтарская тэлевізійная праграма, аўтарская радыёпраграма, аудыёпадкасты і відэаблог. Прызавы фонд складзе 80 тыс расійскіх рублёў (прыкладна 1030$) у кожнай намінацыі. Прыняць удзел у конкурсе можна да 5 траўня 2021 года на старонцы праекта.

"Тыя працы, якія мы атрымліваем на конкурс, выдатна ілюструюць тэндэнцыі развіцця медыя. Нават тое, што цяпер больш за ўсё відэаработ, паказвае, наколькі запатрабаваны такі фармат. Пад яго прыходзіцца падладжвацца СМІ - нават газетам і радыёстанцыям", - сказаў член журы конкурсу Аляксей Арлоў, кіраўнік рускамоўнага радыёвяшчання Sputnik.

Разам з тым, прадстаўнік журы конкурсу звярнуў увагу, што ацэньвацца будуць не героі дасланых работ, а журналісцкае майстэрства аўтараў, іх уменне выбудоўваць гутарку, перадаць эмоцыю, здольнасць знайсці свежыя вуглы і дамагчыся поўнага раскрыцця тэмы, а таксама валоданне мовай, адсутнасць у мове канцылярызмаў і штампаў.

Дзяўчына з ноўтбукам - Sputnik Беларусь, 1920, 04.03.2021
Медыягрупа "Россия сегодня" абвясціла конкурс сярод журналістаў і блогераў

Аляксей Арлоў таксама распавёў, пра што часцей апавядаюць удзельнікі конкурсу ў сваіх працах.

"Самаахвяраванне, узаемадапамога, дапамога, асабліва ва ўмовах пандэміі COVID-19, стварылі трэнд паводзін, а зараз мы бачым яго адлюстраванне ў творчасці тых, хто даслаў працы на конкурс", - адзначыў ён.

На думку Арлова, з усіх дасланых прац можна ўявіць паўнавартасны зрэз грамадскай думкі: каго лічаць героямі нашага часу. Яны ратуюць людзей з вады і пажару, адраджаюць рэдкія пароды жывёл і сеюць пшаніцу, не здаюцца, сутыкнуўшыся з цяжкім захворваннем, працягваюць змагацца і дапамагаюць іншым у падобнай сітуацыі.

Сярод герояў нарысаў і інтэрв'ю, якія паступілі на конкурс, ёсць знакамітыя спартсмены - алімпійцы і паралімпійцы, трэнеры, распрацоўшчыкі новых праграм і тэхналогій, урачы, якія аддалі сваё жыццё ў барацьбе з каронавірусам, і студэнты, якія працуюць малодшым медперсаналам у "чырвонай зоне".

Адкрыццё мемарыяльнай дошкі Юрыю Левітану - Sputnik Беларусь, 1920, 02.02.2021
Мемарыяльную дошку Юрыю Левітану адкрылі на будынку МІА "Россия сегодня"

Характэрна, што не толькі тэлежурналісты, але і блогеры бачаць герояў сярод дзяржаўнікаў. На конкурс прадстаўлены цікавы тэленарыс пра кіраўніка, якому ўдалося змяніць да лепшага жыццё ў рэгіёне і пакінуць аб сабе добрую памяць, і відэаблог пра маладога дырэктара рэгіянальнага турыстычнага партала, які здолеў зрабіць невялікае мястэчка прывабным і для турыстаў, і для мясцовай моладзі. Героі нашага часу ствараюць эка-паркі на месцы былых звалак смецця, дапамагаюць выжыць каханай вёсцы, збіраюць і захоўваюць фальклор малых народаў свайго краю.

Правядзенне конкурсу "Герои нашего времени" з'яўляецца часткай юбілейных мерапрыемстваў медыягрупы "Россия сегодня", прымеркаваных да 80-годдзя Савецкага інфармбюро (Саўінфармбюро).

Ад Савецкага інфармбюро, якое было заснавана праз два дні пасля пачатку Вялікай Айчыннай вайны, 24 чэрвеня 1941 года, вядуць сваю гісторыю найбуйнейшыя міжнародныя навінавыя агенцтвы Расіі - Агенцтва друку "Новости", РІА Навіны і міжнародная медыягрупа "Россия сегодня". На працягу года на рэсурсах медыягрупы і знешніх пляцоўках будзе рэалізаваны шэраг праектаў, прысвечаных гісторыі агенцтваў і тых, хто працаваў у іх у розныя гады.

Стужка навiн
0
Спачатку новыяСпачатку старыя
loader