Беларусь перадала РФ праекты 26 дарожных карт, засталося яшчэ дзве - прэм'ер

© Sputnik / Александр Астафьев / Перайсці ў фотабанкРаман Галоўчанка і Міхаіл Мішусцін на сустрэчы ў Маскве
Раман Галоўчанка і Міхаіл Мішусцін на сустрэчы ў Маскве - Sputnik Беларусь, 1920, 29.04.2021
Падпісацца на
Раней на сустрэчы з Пуціным у Маскве Лукашэнка заявіў, што Масква і Мінск "узгаднілі 26-27 інтэграцыйных дарожных карт, засталося ўзгадніць яшчэ дзве-тры".

МІНСК, 29 кра – Sputnik. Беларусь перадала Расіі завізаваныя праекты 26 саюзных праграм (інтэграцыйных дарожных карт), у працы застаюцца яшчэ дзве.

Пра гэта заявіў прэм'ер-міністр Раман Галоўчанка на сустрэчы ў Казані з расійскім калегам Міхаілам Мішусціным. Па словах Галоўчанкі, праца над пакетам інтэграцыйных дакументаў працягваецца.

"Дваццаць трэцяга красавіка мы перадалі расійскаму боку завізаваныя беларускім бокам праекты 26 саюзных праграм. У працы, як вы ведаеце, застаюцца дзве саюзныя праграмы", - заявіў Галоўчанка.

Сітуацыя з дарожнымі картамі па інтэграцыі

Дарожныя карты абмяркоўвалі на сустрэчы 22 красавіка ў Маскве Аляксандр Лукашэнка і Уладзімір Пуцін. Беларускі лідэр тады заявіў, што ўжо ўзгодненыя 26-27 інтэграцыйных дарожных карт, засталося ўзгадніць "яшчэ дзве-тры па эканоміцы". Пазней пасол Беларусі ў Расіі Уладзімір Сямашка ўдакладніў, што падпісанне астатніх дарожных карт можа зацягнуцца да верасня.

Каментаваў сітуацыю з дарожнымі картамі Лукашэнка і ў сярэдзіне красавіка падчас тэлефоннай размовы з Пуціным. Тады беларускі лідэр нагадаў, што было пазначана 33 напрамкі і дасягнута дамоўленасць, што карты будуць мадэрнізаваны – гэтую працу возьмуць на сябе ўрады дзвюх краін. Таксама Лукашэнка падзякаваў расійскаму лідэру за дапамогу эканоміцы рэспублікі ў цяжкі момант.

Дагавор аб стварэнні Саюзнай дзяржавы Расіі і Беларусі быў падпісаны 8 снежня 1999 года ў Маскве.

У снежні 2019 года – да 20-годдзя дакумента – прапаноўвалася прыняць праграму паглыблення інтэграцыі. Была створана рабочая група па выпрацоўцы прапаноў, бакамі ў агульнай складанасці распрацоўваліся праекты каля 30 галіновых дарожных карт. Аднак праграма да гэтага часу не прынята.

Стужка навiн
0
Спачатку новыяСпачатку старыя
loader