Беларусь увяла тарыфы на прапампоўку нафты па трох новых напрамках

© Sputnik / Сергей Субботин / Перайсці ў медыябанкНафтаправод, архіўнае фота
Нафтаправод, архіўнае фота - Sputnik Беларусь, 1920, 04.05.2021
Падпісацца
Аператар звярнуўся да рэгулятара з просьбай увесці новыя тарыфы - гэта тлумачыцца неабходнасцю правядзення работ на асобных участках магістральнага нафтаправода.
МІНСК, 4 тра - Sputnik. ААТ "Гомельтранснафта Дружба" звярнулася ў міністэрства антыманапольнага рэгулявання і гандлю з просьбай усталяваць тарыфы на транспарціроўку нафты па напрамках Невель - Полацк, Унеча - Полацк і Полацк - Наваполацк, паведамілі ў прэс-службе аператара нафтаправода.
Беларускі аператар магістральнага нафтаправода ў мінулым годзе пачаў рэканструкцыю рэзервуарнага парку на лінейнай вытворча-дыспетчарскай станцыі "Полацк". Геаграфічна яна знаходзіцца на мяжы Полацкага раёна і горада Наваполацка.
Зараз рамонт завершаны на двух рэзервуарах аб'ёмам па 50 тысяч кубічных метраў. Таксама ў завяршальнай стадыі знаходзяцца работы па рэканструкцыі рэзервуара аб'ёмам 30 тысяч кубаметраў.
"Для забеспячэння магчымасці запаўнення нафтасховішча ЛПДС "Полацк" пасля маштабнай рэканструкцыі і павелічэння запасаў сыравіны паўстала неабходнасць распрацоўкі тарыфаў на транспарціроўку нафты па напрамках Невель - Полацк, Унеча - Полацк", - растлумачылі ў ААТ "Гомельтранснафта Дружба".
Таму ўвядзенне тарыфаў на маршруце Полацк - Наваполацк выклікана патрэбай у правядзенні тэхнічных аперацый арэнды і захоўвання ў рэзервуарным парку.
У МАРГ адзначылі, што тарыфы ўведзены згодна методыкай, якая ўзгоднена з расійскім бокам, і была зацверджана 27 студзеня 2010 года.
Цяпер тарыфы на прапампоўку нафты за тону нета выглядаюць адпаведным чынам:
  • Невель (мяжа Расіі) - Полацк (Рэспубліка Беларусь) - 45,39 расійскага рубля,
  • Унеча (Высокае) (мяжа Расіі) - Полацк (Рэспубліка Беларусь) - 175,60 расійскага рубля,
  • Полацк - Наваполацк - 0,46 расійскага рубля.
Раней у лютым 2020 году беларускі бок падвысіў тарыф на паслугу па транспарціроўцы нафты па магістральных трубаправодах па маршруце "Унеча (Высокае) - Полацк - Невель", ён склаў 203,8 расійскага рубля за тону нета (без ПДВ).
Чытайце таксама:
Стужка навiн
0