"Нафтан": загрузка НПЗ і выпуск прадукцыі ідуць у штатным рэжыме

© Sputnik / Сергей ПушкинНа ААТ "Нафтан"
На ААТ Нафтан - Sputnik Беларусь, 1920, 18.05.2021
Падпісацца на
НовостиTelegram
Пасля паведамлення аб тым, што ЗША уводзяць санкцыі супраць "Белнафтахіму", у СМІ з'явілася інфармацыя аб тым, што ў траўні НПЗ у Наваполацку можа застацца без паставак чорнага золата з Расіі.
МІНСК, 18 тра - Sputnik. За два тыдні траўня перапрацавана каля 300 тысяч тон нафты, паведамілі ў прэс-службе ААТ "Нафтан".
Раней стала вядома, што Злучаныя Штаты аднаўляюць з 3 чэрвеня рэжым санкцый у дачыненні да прадпрыемстваў, якія ўваходзяць у склад канцэрна "Белнафтахім". Пасля гэтага стала вядома, што ў траўні на беларускія НПЗ будзе пастаўлена 608 тысяч тон сыравіны, што, як паведамілі ў прэс-службе кампаніі "Транснафта", удвая менш, чым у красавіку.
У сваю чаргу ў прэс-службе ААТ "Нафтан" запэўнілі, што "загрузка завода і выпуск прадукцыі ідуць у штатным рэжыме ў адпаведнасці з бізнес-планам".
"За два тыдні траўня перапрацавана каля 300 тысяч тон нафты. Забеспячэнне сыравінай ажыццяўляецца ў адпаведнасці з зацверджаным графікам", - удакладнілі ў прэс-службе Наваплацкага НПЗ.
Прэс-сакратар "Белнафтахіма" Аляксандр Цішчанка раней растлумачыў, што "аб'ёмы травеньскай перапрацоўкі нафты нават перавысяць узровень бягучых бізнес-планаў. Інфармацыя "Транснафты"не супярэчыць заданням так, як паказваюць прамежкавыя значэнні транспарціроўкі, якія, як правіла, пастаянна карэктуюцца на працягу поўнага месяца паставак".
Чытайце таксама:
Стужка навiн
0