Радыё

Доктар Камароўскі пракаменціраваў "адступленне каронавіруса"

© Photo : Доктор КомаровскийКандыдат медыцынскіх навук, педыятр і тэлевядучы Яўген Камароўскі
Кандыдат медыцынскіх навук, педыятр і тэлевядучы Яўген Камароўскі - Sputnik Беларусь, 1920, 03.06.2021
Падпісацца
Калі свет паставіць кропку ў барацьбе з каронавірусам і чаму маскі і антысептыкі перасталі быць галоўнымі сродкамі прафілактыкі COVID, разважае педыятр і тэлевядучы Яўген Камароўскі.
"Ждет момента": Комаровский прокомментировал "отступление коронавируса"
На дадзены момант вядома галоўнае - расстаўлены кропкі над "i" ў дачыненні эпідэміялогіі віруса, заявіў медык на сваім Youtube-канале. "Вірус перадаецца з патокамі паветра, пераносіцца на вялікія адлегласці - сотні метраў, трапляючы ў вентыляцыйныя сістэмы, ці можа пераносіцца з аднаго пакоя ў іншы", распавёў Камароўскі.
"Галоўнае ў прафілактыцы, як аказалася на сёння, не маскі, хоць яны патрэбны, не пальчаткі, якія практычна бескарысныя, а менавіта актыўная вентыляцыя памяшканняў і актыўныя зносіны на свежым паветры. Менавіта таму каронавірус пайшоў цяпер у нас на спад, таму што цяплее і мы адчыняем вокны", - патлумачыў лекар.
На думку спецыяліста, асноўныя намаганні, у тым ліку і на дзяржаўным узроўні, зараз павінны быць накіраваны на падрыхтоўку спецыялістаў па вентыляцыйных сістэмах, мадэрнізацыю школ, дзіцячых устаноў і офісаў, каб там была магутная прытокавая выцяжная вентыляцыя. Акрамя таго, усюды, дзе толькі можна, неабходна ўсталёўка датчыкаў вуглякіслага газу, якія паказваюць, нармальная ці ў памяшканні вентыляцыя.
"Калі ў гэтым спартзале, у гэтым рэстаране нармальны ўзровень CO2, значыць, у іх нармальная вентыляцыя, і яны могуць працаваць. Ненармальны ўзровень CO2 - зачынілі і давайце стаўце нармальную прытокава-выцяжную сістэму", - завіў Камароўскі.

Каронавірус адступае?

"Калі рыба перастае дзюбаць, гэта не значыць, што яна адступіла, яна проста зараз спіць, так і каронавірус - ён нікуды не адступае, ён проста чакае зручнай сітуацыі, адзначыў Камароўскі.
"Ён прыйдзе, як толькі мы закрыем вокны, гэта будзе ў кастрычніку месяцы", - зрабіў прагноз лекар.
Каб можна было казаць аб завяршэнні пандэміі, трэба вакцынаваць мінімум 70% насельніцтва, і асобнай катэгорыяй у кампаніі па вакцынацыі павінны стаць дзеці, перакананы спецыяліст.
"Па вялікім рахунку, свет закончыць усё з каронавірусам і паставіць кропку тады, калі будзе абаронена галоўная катэгорыя людзей, якая з'яўляецца пераносчыкам інфекцыі, а гэта дзеці. Менавіта дзеці прыносяць і заражаюць бабуль", - распавёў Камароўскі.
Пры гэтым на дадзены момант для вакцынацыі ад каронавіруса дзяцей, старэйшых за 12 гадоў у свеце дазволеныя толькі два прэпараты Pfizer і Moderna, "да 12-ці гадоў пакуль нідзе нікога не прышчапляюць, даследаванні працягваецца, хоць нядаўняе апытанне ў Германіі кажа, што 50% дарослых жыхароў хочуць прывіваць сваіх дзяцей ад каронавіруса незалежна ад узросту", дадаў лекар.
Чытайце таксама:
Стужка навiн
0