Нават у ГУМе: у Мінску пачынаюць работу дадатковыя пункты вакцынацыі

© Sputnik / Sputnik / Перайсці ў медыябанкВакцынацыя ад каронавіруса
Вакцынацыя ад каронавіруса - Sputnik Беларусь, 1920, 25.06.2021
Падпісацца
Пункты адкрыюць у гандлёвых сетках і забаўляльных цэнтрах, прычым спіс не канчатковы - у бліжэйшы час ён будзе пашыраны.
МІНСК, 25 чэр - Sputnik. У Мінску з 25 чэрвеня пачнуць працу дадатковыя пункты вакцынацыі, гаворыцца ў паведамленні афіцыйнага Telegram-канала Мінгарвыканкама.
Яны будуць адкрыты ў буйных гандлёвых сетках і забаўляльных цэнтрах, удакладнілі гарадскія ўлады.
Так зрабіць прышчэпку ад COVID-19 можна будзе па наступных адрасах:
  • ЦУМ (пр-т Незалежнасці, 54)
  • ГУМ (пр-т Незалежнасці, 21)
  • Камароўскі рынак (вул. В.Харужай, 8)
  • ТРЦ "Тытан" (пр-т Дзяржынскага, 104)
  • ТРЦ "Галерэя Мінск" "(пр-т Пераможцаў, 9)
  • ГЦ "Мома" (Партызанскі пр-т, 150а)
Гэты спіс не апошні, у Мінгарвыканкаме абяцаюць яго дапоўніць у бліжэйшы час.
Нагадаем, з 14 чэрвеня пункты вакцынацыі ад каронавіруса адкрыліся на базе 11 мінскіх бальніц. Прывівачныя кабінеты працуюць у бальніцах № 1, 2, 3, 4, 5, 6, 8, 10, 11, а таксама ў Бальніцы хуткай медыцынскай дапамогі і МНПЦ хірургіі, транспланталогіі і гематалогіі. Прышчапіцца могуць усе жадаючыя - патрэбен толькі дакумент, які сведчыць асобу.

Вакцынацыя ад каронавіруса ў Беларусі

Па апошняй інфармацыі Міністэрства аховы здароўя, першую дозу вакцыны ў рэспубліцы атрымалі каля 750 тысяч чалавек, прычым большасць (больш за 500 тысяч) прайшлі поўны курс вакцынацыі.
На сёння ў краіне для вакцынацыі ад каронавіруса даступны кітайскі прэпарат "Синофарм" і расійскі "Спутник V". Апошні вырабляюць у Беларусі на заводзе "Белмедпрэпараты". Разглядаецца варыянт дадаць да імунізацыі насельніцтва і "Спутник Лайт".
Прэзідэнт Сірыі Башар Асад - Sputnik Беларусь, 1920, 03.06.2021
Прэзідэнт Сірыі Башар Асад прышчапіўся расійскай вакцынай "Спутник V"
Пры гэтым, як заявіў Аляксандр Лукашэнка, пакуль у краіне не будуць уводзіць абавязковую вакцынацыю насельніцтва ад каронавіруса.
"Калі паўстане такая сітуацыя, абавязкова будзе ўведзены такі прынцып. Дзякуй богу, неабходнасці такой няма", - сказаў прэзідэнт на сустрэчы з медработнікамі 2-ой дзіцячай бальніцы Мінска.
У той жа час Лукашэнка параіў грамадзянам усё ж прышчапіцца. Асабліва тым, хто мае пастаянныя кантакты з вялікай колькасцю людзей.
Паводле апошніх звестак Міністэрства аховы здароўя рэспублікі, у краіне за мінулыя суткі COVID-19 заразіліся 786 чалавек, памерлі дзесяць пацыентаў.
Чытайце таксама:
Стужка навiн
0