"1941. Першыя дні вайны": выстава Sputnik пераехала ва Усходні форт

© Sputnik"1941. Першыя дні вайны": фотавыстава Sputnik у Брэсцкай крэпасці
1941. Першыя дні вайны: фотавыстава Sputnik у Брэсцкай крэпасці - Sputnik Беларусь, 1920, 01.07.2021
Падпісацца
У бліжэйшыя месяцы лепшыя фотаздымкі з архіваў Саўінфармбюро, датаваныя першымі днямі Вялікай Айчыннай, будуць даступны ва Усходнім форце Брэсцкай крэпасці.
МІНСК, 1 ліп – Sputnik. Фотавыстава Sputnik была адкрыта для наведвальнікаў з 7 траўня і да канца чэрвеня ў руінах Белага палаца на тэрыторыі Мемарыяльнага комплексу "Брэсцкая крэпасць-герой". За час працы выставы крэпасць паспелі наведаць некалькі соцень тысяч чалавек.
Праект так спадабаўся супрацоўнікам крэпасці, што яны прапанавалі падоўжыць экспазіцыю ў новай лакацыі - Усходнім форце. Фотавыстава размяшчаецца ў шасці залах казематаў унутранага вала казармы.
Усходні форт быў пабудаваны ў сярэдзіне XIX стагоддзя па праекце знакамітага расійскага ваеннага інжынера Эдуарда Татлебена. У пачатку Вялікай Айчыннай байцы гэтага форта да апошняга змагаліся з гітлераўцамі, канчаткова зачысціць яго праціўніку атрымалася толькі 30 чэрвеня.
© SputnikУ бліжэйшыя месяцы лепшыя фота з архіваў Саўінфармбюро, датаваныя першымі днямі Вялікай Айчыннай, будуць даступны ва Усходнім форце Брэсцкай крэпасці.
1941. Первые дни войны: фотовыставка Sputnik в Брестской крепости - Sputnik Беларусь, 1920, 01.07.2021
У бліжэйшыя месяцы лепшыя фота з архіваў Саўінфармбюро, датаваныя першымі днямі Вялікай Айчыннай, будуць даступны ва Усходнім форце Брэсцкай крэпасці.
Вестка аб пачатку вайны, першыя баі, мабілізацыя, адпраўка на фронт, зараджэнне партызанскага руху і многае іншае: для гэтай выставы мы выбралі лепшыя фотаздымкі з архіваў агенцтва, датаваныя першымі днямі Вялікай Айчыннай.
Аўтары фотаэкспазіцыі падрабязна і максімальна шырока распавядаюць пра першыя баі, як змагаліся за родныя горада, у тым ліку і Брэст.
Геаграфія - ад Балтыйскага да Чорнага мора. Стаўка - на надзвычайныя і кранальныя кадры. Вайна ў асобах, заціхлых рухах, разбураных будынках. Адпраўка на фронт першых салдат, зараджэнне партызанскага руху, трагедыі мірнага насельніцтва.

Што казалі наведвальнікі выставы Sputnik

Выставу наведалі не толькі тысячы гараджан і турыстаў, але і ганаровыя госці, сярод якіх быў і пасол РФ у Беларусі Яўген Лук'янаў.
Былі сярод наведвальнікаў выставы і тыя, хто пераадолеў дзеля паездкі ў Брэст больш за тысячу кіламетраў.
"Пакуль ёсць такія праекты - мы памятаем пра мінулае. І гэта самае галоўнае. Мой дзед быў на фронце, вызваляў Беларусь. І я цяпер у Брэсце, можна сказаць, таксама на яго радзіме. Гэта родныя мясціны. Для мяне ў тым ліку. І мне хочацца, каб мы часам хоць бы ўспаміналі той няпросты час. Дзеля павагі загінулых", - адзначыў Аляксандр Кірыніченка, які прыязджаў у Брэст з Масквы на доўгія травеньскія выхадныя.
© Sputnik"1941. Першыя дні вайны": фотавыстава Sputnik у Брэсцкай крэпасці
1941. Первые дни войны: фотовыставка Sputnik в Брестской крепости - Sputnik Беларусь, 1920, 01.07.2021
"1941. Першыя дні вайны": фотавыстава Sputnik у Брэсцкай крэпасці
"Гэты праект асаблівы, добры, для ўсіх тых, хто цяпер будзе наведваць Брэсцкую крэпасць, ён будзе вельмі запатрабаваны. Асабліва ў Дзень Перамогі, напярэдадні гераічнай абароны Брэсцкай крэпасці. Гэта на самай справе дастойны праект "Sputnik", які паслужыць справе міра. Ён прысвечаны галоўнаму - адстойванню гістарычнай праўды", - пракаменціраваў выставу генеральны консул Расійскай Федэрацыі ў Брэсце Ігар Канякін.
Фотаэкспазіцыя "1941. Першыя дні вайны" ва Усходнім форце Брэсцкай крэпасці-героя будзе даступна наведвальнікам да траўня 2022 года. І да наступнага Дня Перамогі Sputnik Беларусь рыхтуе новы праект для Мемарыяльнага комплексу - дамоўленасць аб гэтым ужо дасягнута.
Глядзіце таксама:
Вялікая Айчынная вачамі фотакарэспандэнтаў Саўінфармбюро
"Мы памятаем!": медыягрупа "Россия сегодня" расказвае пра тых, хто прайшоў вайну
Гісторыя Перамогі: Беларусь першай прыняла ўдар вайны – відэа
Стужка навiн
0