Будслаўскі фэст: тысячы пілігрымаў каля святога абраза

Будслаўскі фэст прайшоў у традыцыйным фармаце, але са строгім захаваннем санітарных прадпісанняў і без арганізаваных пілігрымак.

Шлях пілігрымаў заканчваўся каля абраза апякункі Беларусі - Будслаўскай Божай Маці. Кожны пілігрым павінен пакланіцца перад яе выявай.

Будслаўскі фэст уваходзіць у спіс беларускай гісторыка-культурнай спадчыны. А ў 2018 годзе ён папоўніў рэпрэзентатыўны спіс нематэрыяльнай культурнай спадчыны ЮНЕСКА, гэта значыць мае асаблівы ахоўны статус.

У першы дзень фестывалю ў Будслаў прыбылі асобныя паломнікі і невялікія групы тых, хто ехаў на свята на ровары, ішоў пешшу.

Падчас фэсту доступ у Будслаўскі касцёл быў зачынены, а тэрыторыя вакол яго абгароджана. Літургія адбылася на вуліцы.

Перад святам каля касцёла быў усталяваны крыж з асмаленых бэлек і аскепкаў медзі з даху святыні, разбуранай пажарам 11 траўня.

Пажар 11 траўня 2021 года не закрануў святыню - Будслаўскую абраз Божай Маці паспелі вынесці з храма.

Будслаўскі абраз напісаны ў ХVI стагоддзі невядомым майстрам, ён з'яўляецца аб'ектам пакланення і праславіўся цудамі.

Каталіцкая святыня ў 1996 годзе была названа заступніцай Мінска-Магілёўскай дыяцэзіі, а ў 1998 годзе адбылася яе афіцыйная каранацыя.

Абраз Будслаўскай Божай маці заўсёды захоўваўся ў касцёле, а ўсе працэсіі на вуліцы праводзілі з яе копіяй.

Увечары 2 ліпеня арцыбіскуп Тадэвуш Кандрусевіч узначаліў набажэнства для пілігрымаў у Будславе.

Традыцыйнае шэсце са свечкамі папярэднічала святой Імшы апоўначы.

На працягу двух дзён фестываль прыняў больш за 30 тысяч чалавек.

Традыцыйнае свята Багародзіцы Будслаўскай завяршылася 3 ліпеня ў Будславе ўрачыстай Святой Імшой.