https://bel.sputnik.by/20210708/plyal-vyank--skakal-praz-vognshcha-yak-svyatkaval-kupalle-pad-grodna-1054568587.html
Плялі вянкі і скакалі праз вогнішча. Як святкавалі Купалле пад Гродна
Плялі вянкі і скакалі праз вогнішча. Як святкавалі Купалле пад Гродна
Sputnik Беларусь
Традыцыйныя гулянні праходзілі з песнямі, танцамі да ўпаду і самай вясёлай забавай - скокамі праз вогнішча. 08.07.2021, Sputnik Беларусь
2021-07-08T15:30+0300
2021-07-08T15:30+0300
2021-07-08T15:22+0300
гродна
купалле
https://cdnn11.img.sputnik.by/img/07e5/07/08/1054566086_0:256:2730:1792_1920x0_80_0_0_f0590dfb55099cea9cbc2a29bcc99709.jpg
ГРОДНА, 8 ліп - Sputnik, Іна Грышук. Вянкі, народныя гульні, карагоды, песні, танцы да ўпаду і велізарнае вогнішча - усё гэта можна было ўбачыць на Аўгустоўскім канале пад Гродна. Увечары ў сераду 7 ліпеня там зладзілі традыцыйнае Купалле, да гулянняў мог далучыцца любы.Галоўнымі ўдзельніцамі свята сталі дзяўчаты. Перш за ўсё арганізатары наладзілі для іх паход у лес за кветкамі і травой, пасля - майстар-клас па пляценні вянкоў. Галаўны ўбор з жывых раслін - галоўны атрыбут Купалля - кожная дзяўчына павінна была змайстраваць сама. У ход пайшлі палявыя кветкі, галінкі папараці і бярозы.Пакуль дзяўчаты майстравалі вянкі і рабілі сэлфі, на святочнай пляцоўцы выступаў народны хор з бубнам, баянамі і вясёлымі песнямі. Затым пачаліся народныя танцы. Спачатку рухі традыцыйных для Купалля танцаў паказвалі артысты фальклорнага калектыву, затым запрашалі на пляцоўку ўсіх жадаючых.Арганізатарам традыцыйнага Купалля быў гродзенскі раённы культурна-інфармацыйны цэнтр. Свята сабрала больш за сотню гараджан. Яны вадзілі карагоды і ўдзельнічалі ў вясёлых народных гульнях. Самымі вясёлымі забавамі былі тыя, дзе дзяўчаты і хлопцы выпадковым чынам выбіралі, каго павінны расцалаваць.Паказалі гасцям свята, як у даўніну выбіралі Купалінку - галоўную гераіню свята. У гэты вечар вырашылі абраць адразу дзвюх дзяўчат - уладальніцу самага прыгожага вянка і самай доўгай касы. Пасля гэтага дзяўчат пасадзілі ў лодку: па задумцы ім трэба было падарожнічаць у лес за таямнічай кветкай папараці. Астатнія дзяўчаты адправіліся да вады, каб кінуць вянкі ў раку і загадаць купальскія жаданні.Пасля гэтага удзельнікаў абраду запрасілі да вялікага купальскага вогнішча, тут вадзілі карагоды, спявалі старадаўнія песні. Завяршылася свята самай любімай народнай забавай - скокамі праз вогнішча.Чытайце таксама:
гродна
Sputnik Беларусь
media@sputniknews.com
+74956456601
MIA „Rossiya Segodnya“
2021
Sputnik Беларусь
media@sputniknews.com
+74956456601
MIA „Rossiya Segodnya“
Навіны
ru_BY
Sputnik Беларусь
media@sputniknews.com
+74956456601
MIA „Rossiya Segodnya“
Sputnik Беларусь
media@sputniknews.com
+74956456601
MIA „Rossiya Segodnya“
гродна, купалле
Плялі вянкі і скакалі праз вогнішча. Як святкавалі Купалле пад Гродна
Традыцыйныя гулянні праходзілі з песнямі, танцамі да ўпаду і самай вясёлай забавай - скокамі праз вогнішча.
ГРОДНА, 8 ліп - Sputnik, Іна Грышук. Вянкі, народныя гульні, карагоды, песні, танцы да ўпаду і велізарнае вогнішча - усё гэта можна было ўбачыць на Аўгустоўскім канале пад Гродна. Увечары ў сераду 7 ліпеня там зладзілі традыцыйнае Купалле, да гулянняў мог далучыцца любы.
Галоўнымі ўдзельніцамі свята сталі дзяўчаты. Перш за ўсё арганізатары наладзілі для іх паход у лес за кветкамі і травой, пасля - майстар-клас па пляценні вянкоў. Галаўны ўбор з жывых раслін - галоўны атрыбут Купалля - кожная дзяўчына павінна была змайстраваць сама. У ход пайшлі палявыя кветкі, галінкі папараці і бярозы.
Пакуль дзяўчаты майстравалі вянкі і рабілі сэлфі, на святочнай пляцоўцы выступаў народны хор з бубнам, баянамі і вясёлымі песнямі. Затым пачаліся народныя танцы. Спачатку рухі традыцыйных для Купалля танцаў паказвалі артысты фальклорнага калектыву, затым запрашалі на пляцоўку ўсіх жадаючых.
Арганізатарам традыцыйнага Купалля быў гродзенскі раённы культурна-інфармацыйны цэнтр. Свята сабрала больш за сотню гараджан. Яны вадзілі карагоды і ўдзельнічалі ў вясёлых народных гульнях. Самымі вясёлымі забавамі былі тыя, дзе дзяўчаты і хлопцы выпадковым чынам выбіралі, каго павінны расцалаваць.
Паказалі гасцям свята, як у даўніну выбіралі Купалінку - галоўную гераіню свята. У гэты вечар вырашылі абраць адразу дзвюх дзяўчат - уладальніцу самага прыгожага вянка і самай доўгай касы. Пасля гэтага дзяўчат пасадзілі ў лодку: па задумцы ім трэба было падарожнічаць у лес за таямнічай кветкай папараці. Астатнія дзяўчаты адправіліся да вады, каб кінуць вянкі ў раку і загадаць купальскія жаданні.
Пасля гэтага удзельнікаў абраду запрасілі да вялікага купальскага вогнішча, тут вадзілі карагоды, спявалі старадаўнія песні. Завяршылася свята самай любімай народнай забавай - скокамі праз вогнішча.
Што азначае Купалле? Традыцыі і прыкметы свята Івана Купалы
Купальская ноч: самае таемнае летняе свята адбылося на возеры Шо на Глыбоччыне
