Новыя правілы для тураператараў: ці зменяцца цэны на пуцёўкі?

© Sputnik / Александр Кряжев / Перайсці ў фотабанкПасажыр у міжнародным тэрмінале аэрапорта
Пасажыр у міжнародным тэрмінале аэрапорта - Sputnik Беларусь, 1920, 14.07.2021
Дэпутаты рыхтуюць да другога чытання законапраект "Аб турызме". Дакумент плануецца разгледзець у Авальнай зале на бліжэйшай восеньскай сесіі.
Асноўнае новаўвядзенне - увядзенне інстытутаў фінансавай адказнасці тураператара перад заказчыкам. Гэта тычыцца тых, хто займаецца міжнародным выязным турызмам.
Папраўка выклікала спрэчкі і дыскусіі ў бізнес-саюзах, а таксама сярод саміх пастаўшчыкоў турыстычных паслуг.
Прававыя навацыі накіраваны на абарону спажыўцоў. Аднак гучаць асцярогі, што гэта пагоршыць фінансавае становішча саслабленай пасля каронавіруса тургаліны: банкаўскія гарантыі або страхаванне могуць стаць непад'ёмнымі для некаторых аператараў. Тады колькасць фірмаў скароціцца, а пуцёўкі для турыстаў падаражэюць.
Як будуць працаваць новыя заканадаўчыя нормы і ці апраўданы такія змрочныя прагнозы? Пра гэта распавёў у эксклюзіўным інтэрв'ю Sputnik член Пастаяннай камісіі Палаты прадстаўнікоў па ахове здароўя, фізічнай культуры, сямейнай і моладзевай палітыцы Павел Міхалюк.

Варыянты на выбар

"Па частцы боязі бізнес-супольнасцяў я б не быў так радыкальна настроены, быццам многія адсеюцца. Проста ўводзяцца трошкі іншыя правілы гульні. Думаю, тураператары адаптуюцца да новага закону, абяруць для сябе аптымальны спосаб фінгарантый, які дазволіць мінімізаваць выдаткі", - лічыць парламентарый.
Справа ў тым, што, згодна з законапраектам, тураператару прапануюцца тры варыянты фінансавага забеспячэння сваіх абавязацельстваў. І ён сам выбірае любы з гэтых спосабаў, падкрэсліў Міхалюк.
Гэта можа быць фонд адказнасці тураператараў, дагавор добраахвотнага страхавання або банкаўская гарантыя.

Фонд адказнасці

Напрыклад, тураператар ўступае ў фонд, куды будуць адлічаць пэўныя сумы. Раптам здараюцца непрадбачаныя абставіны, і ён не можа выканаць свае абавязацельствы перад заказчыкам. Тады ўдзельнікі турдзейнасці маюць права звярнуцца ў гэты фонд для пакрыцця панесеных страт. Дарэчы, у законапраекце такія выпадкі дакладна прапісаны, адзначыў дэпутат.
Для стварэння фонду неабходна асацыяцыя, у якую ўвойдуць, як мінімум, дзесяць тураператараў. Яе праўленне і прымае рашэнне аб арганізацыі фонду. Пакуль прапрацоўваецца менавіта такі варыянт, удакладніў ён.
Асацыяцыя адкрывае спецыяльны рахунак у банку, і туды ідуць адлічэнні яе членаў, памеры якіх залежаць ад атрыманых прыбыткаў.
"У выпадку форс-мажора любы турыст, які пацярпеў, звяртаецца ў гэтую асацыяцыю: "Будзьце добрыя, я панёс выдаткі, вярніце мне грошы", - растлумачыў суразмоўца.
Дарэчы, калі на працягу трох гадоў не было ніякіх выплат кліентам, то асацыяцыі маюць права некаторую частку сродкаў - дзесьці 10% ад сумы фонду - выдаткаваць на развіццё сваёй турыстычнай прывабнасці: рэкламу, выставы, прэзентацыі.
"Бо грошы ж у іх ніхто не забірае - яны застаюцца на рахунках асацыяцый", - дадаў Міхалюк.

Памеры узносаў

Што тычыцца памераў плацяжоў, якія тураператары павінны ўносіць у фонд, то яны пакуль прапрацоўваюцца.
Мяркуецца, што гэта будуць паквартальныя унёскі - не менш за два дзесятых працэнты ад кошту ўсіх прададзеных пуцёвак за папярэдні квартал, гэта значыць ад рэалізацыі тураў.
Калі ж тураператар толькі пачынае займацца выязным турызмам, то памер яго першага ўступнага ўнёску будзе вызначацца Саўмінам.
"Што тычыцца банкаўскіх гарантый і пытанняў страхавання, то пакуль яны знаходзяцца на стадыі ўзгаднення з Мінфінам і Нацбанкам. Таму заўчасна казаць, што вялікая колькасць тураператараў проста не пацягне. Гэта як варажба на кававай гушчы", - лічыць заканадавец.

Што атрымае спажывец

Законапраект накіраваны, у першую чаргу, на абарону правоў спажыўца.
"Вось я турыст, напрыклад. Атрымліваю дагавор на аказанне паслуг і ўжо бачу, якая там адказнасць у тураператара. Раптам адбываецца нейкі катаклізм, надзвычайная сітуацыя - аператар не можа мяне вывезці з іншай краіны. Ці ён не выканаў абавязацельствы па паслугах, нешта пайшло не так. Я прыходжу да тураператара, а ён кажа, што ў яго няма сродкаў для кампенсацыі панесеных мною выдаткаў", - змадэлявалі сітуацыю парламентарый.
Тады на падставе дагавора кліент мае магчымасць звярнуцца да страхоўшчыкаў, у фонд асацыяцыі альбо ў банк. Проста трэба прынесці пацвярджаючыя дакументы: дагавор, чэкі, калі ёсць неабходнасць. І гэтыя арганізацыі выплачваюць сродкі, каб кампенсаваць выдаткі турыста.
Што тычыцца падаражэння прадукту тураператара з-за дадатковай фінансавай адказнасці, то такія асцярогі сапраўды ёсць, лічыць Міхалюк.
"Так, разглядаецца невялікае падаражанне. Але мы зыходзім, у першую чаргу, з таго, каб абараніць правы турыста, які карыстаецца гэтымі паслугамі. У туркампаніі "Наталі-Турс", якая абанкруцілася, у свой час проста не хапіла сродкаў, каб разлічыцца з кліентамі", - адзначыў дэпутат.
Міхалюк паведаміў, што законапраект "Аб турызме" дэпутаты плануюць разгледзець у другім чытанні на восеньскай сесіі.
Ён звярнуў увагу на тое, што пры падрыхтоўцы дакумента да яго абмеркавання прыцягнулі вельмі шырокае кола зацікаўленых. Ён рассылаўся па ўсіх органах выканаўчай улады. Туріндустрыя таксама атрымала пакет праекта. Усе іх заўвагі разглядаліся.
"Да першага чытання прыйшлі з агульным меркаваннем, што канцэптуальна ўсе згодны з прапанаваным механізмам адказнасці тураператараў перад заказчыкам", - канстатаваў дэпутат.
Чытайце таксама:
Грузія ці Турцыя? Колькі каштуе бліжэйшы адпачынак на моры для беларусаў
Мінск - Анапа - Сімферопаль: улады Крыма прапанавалі запусціць новы рэйс
Мінаховы здароўя абнавіла пералік краін, па прыбыцці з якіх патрэбна самаізаляцыя
Стужка навiн
0
Спачатку новыяСпачатку старыя
loader
У эфіры
Заголовок открываемого материала
Міжнародны
InternationalEnglishАнглійскіMundoEspañolІспанскі
Еўропа
DeutschlandDeutschНямецкіFranceFrançaisФранцузскіΕλλάδαΕλληνικάГрэчаскіItaliaItalianoІтальянскіČeská republikaČeštinaЧэшскіPolskaPolskiПольскіСрбиjаСрпскиСербскіLatvijaLatviešuЛатышскіLietuvaLietuviųЛітоўскіMoldovaMoldoveneascăМалдаўскіБеларусьБеларускiБеларускі
Закаўказзе
ԱրմենիաՀայերենАрмянскіАҧсныАҧсышәалаАбхазскіХуссар ИрыстонИронауАсецінскіსაქართველოქართულიГрузінскіAzərbaycanАzərbaycancaАзербайджанскі
Бліжні Усход
Sputnik عربيArabicАрабскіTürkiyeTürkçeТурэцкіSputnik ایرانPersianФарсіSputnik افغانستانDariДары
Цэнтральная Азія
ҚазақстанҚазақ тіліКазахскіКыргызстанКыргызчаКіргізскіOʻzbekistonЎзбекчаУзбекскіТоҷикистонТоҷикӣТаджыкскі
Усходняя і Паўднёва-Усходняя Азія
Việt NamTiếng ViệtВ'етнамскі日本日本語Японскі俄罗斯卫星通讯社中文(简体)Кітайскі俄罗斯卫星通讯社中文(繁体)Кітайскі
Паўднёвая Амерыка
BrasilPortuguêsПартугальскі