Нягледзячы на санкцыі: Беларусь не збіраецца сыходзіць з рынку ЕС

© Sputnik / Артем Житенев / Перайсці ў медыябанкПродаж мясной прадукцыі на выставе-кірмашы
Продаж мясной прадукцыі на выставе-кірмашы - Sputnik Беларусь, 1920, 29.07.2021
Падпісацца
Аляксандр Чарвякоў падкрэсліў, што, нягледзячы на ціск на краіну, эканоміка развіваецца ўстойліва і дынамічна.
МІНСК, 29 ліп - Sputnik. Беларусь не стала чакаць, калі санкцыі ўдараць сур'ёзна, а працавала на апярэджанне, пра гэта ў інтэрв'ю тэлеканалу "Беларусь 1" заявіў міністр эканомікі рэспублікі Аляксандр Чарвякоў.

"Былі прапрацаваны новыя рынкі: расійскі, кітайскі, турэцкі, індыйскі, афрыканскі. Яны досыць актыўна растуць, і частку прадукцыі мы цалкам можам туды накіраваць", - сказаў ён.

Па словах Чарвякова, за дзесяць гадоў у імпарце Расійскай Федэрацыі беларуская доля змянялася ад 5,6 да 11%.
"Сёння яна складае каля 5,8%. Усяго толькі адзін працэнтны пункт, калі мы павялічым, гэта значыць да 6,8% - гэта 2 мільярды, трэць усяго экспарту ў еўрапейскія краіны", - заявіў міністр.
Ён таксама адзначыў, што цяпер спецыялісты прапрацоўваюць пералік тавараў, якія можна пастаўляць у Кітай: прыкладна 60% наменклатуры, якія сёння ідуць у Еўропу, можна перанакіраваць у КНР.

З рынка ЕС не сыйдзем

Разам з тым, падкрэсліў Чарвякоў, Беларусь не збіраецца сыходзіць з еўрапейскага рынку.
"Будзем старацца максімальна на ім затрымацца. Сыходзіць будзем толькі ў крайнім выпадку, калі нас будуць выштурхоўваць", - сказаў міністр.
Паводле яго ацэнкі, цяпер яўна прасочваюцца пытанні канкурэнцыі, лабіравання шэрагу кампаній, якія хочуць выціснуць беларускія прадпрыемствы.
Чытайце таксама:
Пры ўзмацненні санкцый Беларусь перанакіруе сельгасэкспарт у Расію і Кітай - Крупко
ДВПК: Беларусь і Расія сумесна пераадольваюць наступствы санкцый
Лукашэнка расказаў, як Беларусь рыхтавалася да санкцый
Стужка навiн
0