Пашынян прызначаны прэм'ер-міністрам Арменіі

© Sputnik / Перайсці ў медыябанкПрэм'ер-міністр Арменіі Нікол Пашынян
Прэм'ер-міністр Арменіі Нікол Пашынян - Sputnik Беларусь, 1920, 02.08.2021
Падпісацца
Кабмін павінен быць сфарміраваны на працягу 15 дзён з даты прызначэння прэм'ер-міністра.
МІНСК, 2 жні – Sputnik. Нікол Пашынян прызначаны прэм'ер-міністрам Арменіі, адпаведны ўказ падпісаў прэзідэнт краіны.
"Кіруючыся палажэннямі канстытуцыі, прызначыць Нікола Пашыняна прэм'ер-міністрам Рэспублікі Арменія", - гаворыцца ў тэксце дакумента, размешчаным на сайце Армена Саркісяна.
Канстытуцыя Арменіі прадугледжвае, што пасля таго як новаабраны Нацыянальны сход уступае ў свае паўнамоцтвы, прэзідэнт прызначае прэм'ер-міністра, якога прадстаўляе парламенцкая большасць. Пры гэтым у асноўным законе ёсць агаворка, што калі выбары праводзяцца па-за чаргой, паўнамоцтвы пачынаюцца з моманту адкрыцця першай сесіі Нацсхода.
Кабмін павінен быць сфарміраваны на працягу 15 дзён з даты прызначэння прэм'ер-міністра. Затым кіраўнік урада павінен на працягу 20 дзён прадставіць у Нацыянальны сход праграму Кабінета міністраў.

Пазачарговыя выбары

Пазачарговыя парламенцкія выбары прайшлі ў Арменіі 20 чэрвеня, у іх прынялі ўдзел 21 партыя і чатыры блокі.
Нікол Пашынян узначальвае партыю "Грамадзянскі дагавор", якая па выніках пазачарговых парламенцкіх выбараў набрала большасць галасоў - амаль 54%. Бліжэйшы сапернік "Грамадзянскага дагавора", партыя "Арменія" экс-прэзідэнта Роберта Качарана, набрала крыху больш за 21% галасоў.
Іншыя палітычныя сілы не змаглі пераадолець бар'ер у 7% для блокаў і 5% для партый. Тым не менш, па армянскіх законах у выпадку перамогі толькі двух партый, права ўваходжання ў парламент атрымлівае партыя, якая апынулася на трэцім месцы па галасаванні. Гэта блок экс-прэзідэнта Сержа Саргсяна "Гонар маю", які набраў 5,2% галасоў.
Чытайце таксама:
Партыя Пашыняна перамагла на пазачарговых парламенцкіх выбарах у Арменіі
Пашынян знайшоў замену звольненаму кіраўніку Генштаба Арменіі
Азербайджан прыняў прапанову Расіі аб спыненні агню на мяжы з Арменіяй
Стужка навiн
0