Пасол Расіі абмеркаваў у Магілёве перспектывы гуманітарнага супрацоўніцтва
© Sputnik / Виктор Толочко
Падпісацца
У рамках рабочага візіту ва ўсходні рэгіён Беларусі кіраўнік расійскай дыпмісіі правёў шэраг сустрэч.
Адным з найбуйнейшых адукацыйных цэнтраў у Магілёўскай вобласці з'яўляецца Беларуска-Расійскі ўніверсітэт, дзе навучаецца каля пяці тысяч студэнтаў па адукацыйных праграмах, як Беларусі так і Расіі.
Пасол Расіі Яўген Лук'янаў і рэктар універсітэта Міхаіл Лусценкоў
© Sputnik / Виктор Толочко
Рэктар універсітэта Міхаіл Лусценкоў распавёў Яўгену Лук'янаву, што нягледзячы на ўсе пераўтварэнні навучальная ўстанова захавала сваю тэхнічную накіраванасць. У апошнія гады ў Магілёў прыязджае ўсё больш студэнтаў з Расіі.
Гатовыя кадры для эканомікі
"Дыплом універсітэта прызнаецца і ў Беларусі, і ў Расіі. Выпускнікі ў нашай краіне пасля завяршэння атрымліваюць першае працоўнае месца", - адзначыў рэктар Беларуска-Расійскага ўніверсітэта.
Расійскі пасол Яўген Лук'янаў наведвае Беларуска-расійскі ўніверсітэт
© Sputnik / Виктор Толочко
У сваю чаргу пасол Расіі выказаў меркаванне, што гэта паспяховы сумесны праект па падрыхтоўцы кадраў на сучасным тэхналагічным узроўні.
"Выпускнікі атрымліваюць працу адразу. Яны не проста выходзяць з дыпломам у белы свет, а ўжо ведаюць, што атрымаюць працу адпаведна сваім памкненням, жаданням і ўзроўню падрыхтоўкі. Укладанні ў людзей заўсёды самыя выгадныя і неабходныя і самыя дзейсныя", - сказаў Яўген Лук'янаў.
Паводле яго слоў, для эканомікі дзвюх краін вялікі плюс, што на выхадзе з гэтага ўніверсітэта яны атрымліваюць граматных і падрыхтаваных спецыялістаў.
Пасол РФ Яўген Лук'янаў у Беларуска-Расійскім універсітэце
© Sputnik / Виктор Толочко
Культурны круглы стол
У сценах Магілёўскага абласнога мастацкага музея імя П.В. Масленікава адбылася рабочая сустрэча, прысвечаная рэалізацыі сумесных праектаў у сферы культуры.
Пасол РФ Яўген Лук'янаў наведвае Магілёўскі абласны мастацкі музей імя П.В. Масленікава
© Виктор Толочко
У круглым стале з кіраўніком расійскай дыпмісіі ўдзельнічалі кіраўнікі ўстаноў культуры абласнога цэнтра.
Пасол РФ Яўген Лук'янаў пакінуў запіс у кнізе ганаровых гасцей музея
© Sputnik / Виктор Толочко
Дзеячы культуры прасілі аказаць падтрымку ў аднаўленні кантактаў з расійскімі мастацкімі саюзамі, тэатрамі і спецыялізаванымі навучальнымі ўстановамі, якія апынуліся абцяжараныя ва ўмовах пандэміі.
Запіс у кнізе, зроблены паслом РФ Яўгенам Лук'янавым
© Sputnik / Виктор Толочко
У сваю чаргу Яўген Лук'янаў прапанаваў намесніку старшыні Магілёўскага аблвыканкама Валерыю Малашку падрыхтаваць пералік пытанняў, якія расійскае пасольства разгледзіць і ўлічыць пры сваёй працы.
Намеснік старшыні Магілёўскага аблвыканкама Валерый Малашка
© Sputnik / Виктор Толочко
"Наша справа - забяспечваць той кірунак працы, які ў нас называецца культурныя і гуманітарныя адносіны. Яны ў нас нармальныя і разнастайныя. Натуральна, ідэал - гэта тое да чаго мы павінны імкнуцца, тым больш абставіны, у якія нас паставіў COVID, паказваюць, што трэба шукаць спосабы і шляхі іх вырашэння ", - падкрэсліў пасол РФ.
Пасол РФ Яўген Лук'янаў наведвае Магілёўскі абласны мастацкі музей імя П.В. Масленікава
© Sputnik / Виктор Толочко
На яго думку, гэтаму будуць спрыяць устаноўленыя з кіраўніцтвам вобласці добрыя і працоўныя адносіны.
Расійскі пасол Яўген Лук'янаў наведвае Магілёўскі абласны мастацкі музей імя П.В.Масленікава
© Sputnik / Виктор Толочко
Візіт Яўгена Лук'янава ў Магілёўскую вобласць завяршыўся наведваннем Свята-Нікольскага жаночага манастыра. Манастыр быў пабудаваны ў XVII стагоддзі і быў адным з цэнтраў праваслаўя на беларускай тэрыторыі ў часы Рэчы Паспалітай.
Чытайце таксама:
Пасол РФ азнаёміўся з прамысловым патэнцыялам Магілёва
Пасол Расіі: у рамках Саюзнай дзяржавы мы не павінны канкурыраваць адзін з адным
Лук'янаў: МНПЗ - гэта прыклад выбудоўвання гарызантальных сувязяў з Расіяй
Лук'янаў: Расія і Беларусь не канкурэнты адна адной
Лук'янаў: "беларускія прадукты" - гэта сапраўдны брэнд у Расіі
