Флаги России и Беларуси - Sputnik Беларусь, 1920
Саюзная дзяржава Беларусі і Расіі
Як сёння развіваецца Саюзная дзяржава? Якія рашэнні прымаюцца для паляпшэння жыцця грамадзян Беларусі і Расіі? Апошнія навіны аб супрацоўніцтве Мінска і Масквы чытайце ў матэрыялах Sputnik.

Мінск і Масква канчаткова ўзгаднілі пытанне па роўмінгу

© Pixabay/PexelsМабільны тэлефон
Мабільны тэлефон - Sputnik Беларусь, 1920, 10.08.2021
Падпісацца
Расійскія і беларускія мабільныя аператары ў лістападзе 2020 года ў тэставым рэжыме перайшлі на новую тарыфікацыю ў роўмінгу: стаўка інтэрканэкту знізілася з 30 цэнтаў да 1,5 цэнта за хвіліну.
МІНСК, 10 жні – Sputnik. Мінск і Масква пяройдуць на пастаянныя зніжаныя тэлефонныя тарыфы з 1 верасня 2021, паведамілі ў пасольстве Беларусі ў Расіі.
Беларускі пасол Уладзімір Сямашка правёў 9 жніўня пасяджэнне групы высокага ўзроўню Савета міністраў Саюзнай дзяржавы. На сустрэчы, якая прайшла ў фармаце відэаканферэнцыі, бакі дамовіліся аб заканчэнні тэста зніжаных ставак інтэрканэкту на роўмінг.
Прымяняць новыя тарыфы на мабільную сувязь у Саюзнай дзяржаве пачнуць з 1 верасня.

Праца па адмене роўмінгу

"Дарожная карта" па адмене роўмінгу Саюзнай дзяржавы была ўзгоднена і падпісана ў чэрвені 2017 года, а зацверджана міністрамі сувязі абедзвюх краін толькі ў снежні 2019-га.
Плата за ўваходныя званкі ў роўмінгу павінна была быць адменена не пазней верасня 2020 года, аднак расійскія і беларускія аператары сувязі вырашылі правесці дадатковую тэставую працу. З 1 лістапада мінулага года аператары ў тэставым рэжыме перайшлі на новую тарыфікацыю ў роўмінгу: стаўка інтэрканэкту знізілася з 30 цэнтаў да 1,5 цэнта за хвіліну.
У красавіку ў пасольстве Беларусі адзначалі, што Масква і Мінск плануюць прайсці ўсе міждзяржаўныя працэдуры і падрыхтаваць неабходныя дакументы па адмене роўмінгу да 1 ліпеня, а цалкам адмяніць яго з 1 студзеня 2022 года.
Чытайце таксама:
Пасольства Беларусі ў Расіі назвала тэрміны адмены роўмінгу паміж краінамі
Калі Беларусь увойдзе ў склад Расіі - Лукашэнка
Роўмінг у ЕАЭС плануюць адмяніць да 2025 года
Стужка навiн
0