Відэа

Паводкі і апоўзні: чарговая катастрофа Турцыі - відэа

Падпісацца
Праз некалькі дзён пасля таго, як лясныя пажары спустошылі поўдзень Турцыі, на поўнач краіны абрынуліся паводкі. Стыхійнае бедства справакавалі небывалыя ліўні. Глядзіце на відэа, што адбываецца ў пацярпелых ад катастрофы рэгіёнах.
Моцныя дажджы выклікалі паводкі і апоўзні на поўначы Турцыі. Паводкі абрынуліся на прыбярэжныя чарнаморскія правінцыі Бартын, Кастамону, Сіноп і Самсун.
Прэзідэнт Турцыі Рэджэп Таіп Эрдаган сказаў, што, прынамсі, адзін чалавек загінуў, а іншыя зніклі без вестак у выніку паводкі, але не назваў дакладную колькасць.
Верталёты ратуюць людзей, якія затрымаліся на дахах дамоў. На кадрах бачна, як аварыйныя службы спяшаюцца на дапамогу мясцовым жыхарам, паколькі паводкі руйнуюць дарогі і выносяць машыны.
Ліўні на паўночным узбярэжжы Турцыі пачаліся пасля таго, як пажарным амаль удалося справіцца з ляснымі пажарамі на поўдні, у выніку якіх з канца ліпеня загінулі не менш за восем чалавек. Тысячы людзей былі вымушаны эвакуіравацца, паколькі ў краіне адбылося больш за 200 пажараў.
Навукоўцы-кліматолагі кажуць, што няма ніякіх сумненняў у тым, што змяненне клімату ў выніку спальвання вугалю, нафты і прыроднага газу прыводзіць да больш экстрэмальных з'яў, такіх як хвалі цяпла, засухі, лясныя пажары, паводкі і штормы. Чакаецца, што такія бедствы будуць адбывацца часцей па меры таго, як Зямля награваецца.
Таксама на Sputnik:
Пажары ў Турцыі: як МНС Беларусі дапамагае тушыць агонь - відэа
Турыстаў эвакуіравалі з атэляў у турэцкім Мармарысе з-за ляснога пажару
Беларусь накіруе ў Турцыю яшчэ адзін верталёт для тушэння пажараў
Стужка навiн
0