Мінск разлічвае цалкам аднавіць авіязносіны з Расіяй
09:52 17.08.2021 (абноўлена: 15:05 01.07.2022)
© Sputnik / Виктор Толочко
Падпісацца
Беларускі перавозчык "Белавія" на фоне абмежаванняў палётаў у ЕС прыняў новую мадэль бізнэсу, у прыватнасці, павялічыў колькасць рэйсаў на ўсход і поўдзень.
МІНСК, 17 жні - Sputnik. Беларусь зацікаўлена ў поўным аднаўленні авіязносін з Расіяй, заявіў міністр транспарту і камунікацый рэспублікі Аляксей Аўраменка.
Паводле яго слоў, Мінтранс асабліва зацікаўлены ў павелічэнні рэйсаў у Маскву і Санкт-Пецярбург.
"Усё роўна кавідныя абмежаванні дзейнічаюць, напрыклад, сёння авіякампанія лятае толькі адзін раз у тыдзень у Санкт-Пецярбург. Пры такім попыце гэта мала. Таму трэба паэтапнае аднаўленне, нарошчванне авіярэйсаў... Вядома, для нас важная Расійская Федэрацыя, але і краіны далёкай дугі таксама", - адзначыў кіраўнік ведамства ў інтэрв'ю тэлеканалу "Беларусь 1".
Ён падкрэсліў, што "Белавія" пасля страты палётаў у ЕС засяродзілася ў асноўным на "усходніх" рэйсах.
"У першую чаргу (лятае) на ўсход і на поўдзень. Гэта Расійская Федэрацыя, Грузія, Азербайджан, Ізраіль, Арабскія Эміраты, Турцыя, чартэрныя палёты ў Егіпет. Па паўгоддзю ад нашых планавых лічбаў мы маем рост пасажыраабароту на 34%", - канстатаваў міністр.
Рэйсы ў Катар
Аўраменка адзначыў, што на авіяперавозкі трэба глядзець шырэй і пры магчымасці "чапляцца за любую краіну". Сярод напрамкаў, якія прапрацоўваюцца, ён таксама назваў Катар.
У маі ў эсклюзивном інтэрв'ю Sputnik першы намеснік міністра транспарту і камунікацый Беларусі Аляксей Ляхновіч казаў, што ведамства прапрацоўвае магчымасць запуску транскантынентальнага авіярэйса з Катарам і Узбекістанам. Паводле яго слоў, арганізацыя гэтага рэйса з'яўляецца рэальнай.
Ёсць страты
Кіраўнік Мінтранса асобна спыніўся на праблемах Нацыянальнага аэрапорта "Мінск", дзе, паводле яго слоў, сітуацыя "нашмат горш".
"Ёсць страты ад таго, што сышлі еўрапейскія перавозчыкі, якія ажыццяўлялі рэйсы з ЕС. Але ў рамках нашай авіяцыйнай падгаліны шукаем рашэнне, каб мы маглі выразна збалансаваць тыя даходы, якія страцілі або недаатрымалі ў сувязі з абмежаваннямі палётаў", - дадаў ён.
Міністр растлумачыў, што ў аэрапорце, акрамя беларускай авіякампаніі, працуюць сем расійскіх авіякампаній і восем - з іншых краін: Грузіі, Турцыі, Кітая і іншых.
"Мы зацікаўлены ў павелічэнні колькасці авіякампаній, якія б прыляталі ў Беларусь. Гэта асноўная задача. Вядзем перамовы аб павелічэнні частот пералётаў замежных кампаній, але ... канчатковае рашэнне прымае кампанія зыходзячы з эканомікі: ніхто лятаць у страту не будзе, калі з'яўляецца пасажырапаток, з'яўляюцца прапановы", - падкрэсліў Аўраменка.
Сітуацыя з беларускімі перавозчыкамі
Праблема з авіярэйсамі у "Белавія" паўстала пасля інцыдэнта з экстраннай пасадкай у Мінску самалёта Ryanair 23 траўня 2021, які ляцеў з Афінаў у Вільнюс. На яго борце знаходзіўся адзін з заснавальнікаў прызнанага ў Беларусі экстрэмісцкім Telegram-канала Nexta Раман Пратасевіч.
Захад заявіў, што Мінск прымусіў самалёт прызямліцца ў сваім аэрапорце пад прыдуманайпадставай (нібыта на борце была бомба). Пасля гэтага некаторыя авіякампаніі вырашылі аблятаць паветраную прастору Беларусі, а ЕС забараніў беларускім авіяперавознікам палёты над Еўропай і пасадкі ў еўрапейскіх аэрапортах.
У канцы траўня першы віцэ-прэм'ер Беларусі Мікалай Снапкоў заявіў, што "Белавія" на фоне абмежаванняў будзе мяняць мадэль бізнэсу, у прыватнасці, развіваць рэйсы ў СНД, уключаючы Расію. Зараз беларускі авіяперавозчык лятае ў 12 расійскіх аэрапортаў.
Чытайце таксама:
Лукашэнка расказаў, што яго хвалюе ў сферы транспарту
У два разы часцей: "Белавія" павялічвае колькасць рэйсаў у Маскву
"Белавія" аднаўляе рэйсы ў Сочы і Краснадар
